De maskerwurger (Lanius nubicus) is in sjongfûgel út de famylje fan 'e wurgerfûgels (Laniidae).
Skaaimerken De fûgel is mei in lingte fan 17 oant 18,5 sm lytser as alle oare soarten wurgers. De sturt is relatyf lang en swart fan kleur. It mantsje hat in swarte rêch, eachstreek en krún. Tusken de krún en de eachstreek, op 'e foarholle en op 'e kiel is de fûgel wyt. Fierders sit der op 'e wjuk in grut wyt plak. De bûk en it boarst binne ljocht en de flanken binne oranje. It wyfke liket soms sterk op it mantsje, mar is trochstrings doffer en griis kleure dêr't it mantsje swart is.
Fersprieding en leefgebiet De maskerwurger komt as briedfûgel foar fan Grikelân oant it sudwesten fan Iran en oerwinteret yn Afrika en yn it suden fan it Arabysk skiereilân. It leefgebiet bestiet út healiepen, diels boskich terrein. Wichtich is de ôfwikseling fan iepen plakken en strewellen. De maskerwurger sit net lykas de oare wurgersoarten op opfallende plakken, mar hâldt him mear skûl.
Foarkommen yn Nederlân De fûgel is yn Nederlân in hiele seldsume dwaalgast dy't mar ien kear sjoen is, nammentlik yn 2016 op Skylge.
Status De maskerwurger hat in grut ferspriedingsgebiet en dêrtroch is de kâns op útstjerren net so grut. De grutte fan 'e populaasje is neffens in rûge rûzing út 2016 tusken de 120 en 350 tûzen folwoeksen fûgels. De populaasjetrend is lykwols negatyf, mar de delgong giet net hiel rap. Dêrfandinne stiet de maskerwurger as net bedrige op 'e Reade List fan de IUCN.
Kategory:Fûgelsoarte Kategory:Wurger Kategory:Lânseigen fauna yn Bachrein Kategory:Lânseigen fauna yn Bulgarije Kategory:Lânseigen fauna yn Dzjibûty Kategory:Lânseigen fauna yn Egypte Kategory:Lânseigen fauna yn Eritreä Kategory:Lânseigen fauna yn Etioopje Kategory:Lânseigen fauna yn de Feriene Arabyske Emiraten Kategory:Lânseigen fauna yn Grikelân Kategory:Lânseigen fauna yn Irak Kategory:Lânseigen fauna yn Iran Kategory:Lânseigen fauna yn Israel Kategory:Lânseigen fauna yn Jemen Kategory:Lânseigen fauna yn Jordaanje Kategory:Lânseigen fauna yn Katar Kategory:Lânseigen fauna yn Koeweit Kategory:Lânseigen fauna yn Libanon Kategory:Lânseigen fauna yn Lybje Kategory:Lânseigen fauna yn Maly Kategory:Lânseigen fauna yn Mauretaanje Kategory:Lânseigen fauna yn Montenegro Kategory:Lânseigen fauna yn Nigearia Kategory:Lânseigen fauna yn Noard-Masedoanje Kategory:Lânseigen fauna yn Oman Kategory:Lânseigen fauna yn Palestina Kategory:Lânseigen fauna yn Saûdy-Araabje Kategory:Lânseigen fauna yn Servje Kategory:Lânseigen fauna yn de Sintraal-Afrikaanske Republyk Kategory:Lânseigen fauna yn Súd-Sûdan Kategory:Lânseigen fauna yn Sûdan Kategory:Lânseigen fauna yn Syrje Kategory:Lânseigen fauna yn Tsjaad Kategory:Lânseigen fauna yn Turkije Kategory:Lânseigen fauna yn Turkmenistan