De dwerchearnen (Hieraaetus) foarmje in skaai fan 'e famylje fan 'e haukfûgels (Accipitridae). It skaai bestiet hjoed-de-dei út fiif libbene soarten en ien ferneamde útstoarne soarte. It skaai hat in grutte fersprieding en komt foar yn Europa, Afrika, Aazje en Oseaanje.
Skaaimerken Lykas de namme seit, heart in grut part fan 'e soarten fan it skaai ta de lytsere earnen. Dochs binne it krêftige rôffûgels mei in stevige bou. Se hawwe relatyf lange, smelle wjukken en in rjochthoekige sturt, wermei't in rappe flecht mooglik is. Harren poaten binne oant de teannen ta befearre. De ferskillende soarten fariearje sterker yn grutte as by de measte oare earneskaaien; de útstoarne Haastearn fan Nij-Seelân wie sels de grutste earn dy't, foar sa fier bekend is, ea libbe hat.
Libbenswize Dwerchearnen wurde yn ferskillende soarten lânskippen oantroffen, fan tichte bosken en savannes oant iepen dellingen en bercheftige gebieten. Hja jeie faak fanút de loft wei mei in flugge dûkflucht, mar ek fanút in sitplak yn in beam. Harren proai bestiet foar it meastepart út lytse oant middelgrutte fûgels, hagedissen en lytse sûchdieren (lykas kninen en kjifdieren). It binne trekfûgels (lykas de gewoane dwerchearn dy't yn Afrika oerwintert) of stânfûgels, ôfhinklik fan 'e regio dêr't se briede.
Taksonomy Oer de systematyk fan it skaai Hieraaetus hat lange tiid diskusje west en is nau ferweve mei it skaai Aquila. Nei grutskalich DNA-ûndersyk yn it begjin fan 'e 21e iuw is de yndieling drastysk feroare. In oantal soarten (lykas de haukearn (Aquila fasciata) en de Wahlbergearn) binne hinne en wer ferhûze tusken dizze twa skaaien om derfoar te soargjen dat de groepen monofiletysk binne. De measte wittenskiplike autoriteiten oardielje hjoed-de-dei dat dizze seis soarten de kearn fan it skaai foarmje.
Soarten Ofbyld Fryske namme Wittenskiplike namme Fersprieding IUCN-status 120px Ayreshaukearn Hieraaetus ayresii Afrika besuden de Sahara net bedrigeHieraaetus ayresii op BirdLife 120px Australyske dwerchearn Hieraaetus morphnoides Austraalje net bedrigeHieraaetus morphnoides op BirdLife 120px Dwerchearn Hieraaetus pennatus Súd-Europa, Noard-Afrika en Sintraal-Aazje; oerwinteret yn Afrika en Yndia net bedrigeHieraaetus pennatus op BirdLife 120px Haastearn Hieraaetus moorei † Nij-Seelân útstoarnHieraaetus moorei op BirdLife 120px Papoeadwerchearn Hieraaetus weiskei Nij-Guineä net bedrigeHieraaetus weiskei op BirdLife 120px Wahlbergearn Hieraaetus wahlbergi Afrika besuden de Sahara net bedrigeHieraaetus wahlbergi op BirdLife
Kategory:Fûgelskaai Kategory:Haukfûgel