Die Kasakse Rugbyunie (afgekort “KRU”) is die bestuursliggaam wat rugby en sewesrugby in Kasakstan beheer. Die beheerliggaam is in 1993 gestig en in Almati gesetel. Sedert 1997 verteenwoordig dit Kasakstan by Wêreldrugby en sedert 1993 ook by Asië Rugby (“AR”).
Geskiedenis Die Kasakse Rugbyunie is in 1993 gestig en het in 1997 ’n volle lid van die Internasionale Rugbyvoetbalraad (IRVR; nou Wêreldrugby) geword. Daarbenewens het die KRU in 1993 by die in 1968 gestigte Asiatiese Rugbyvoetbalunie (Engels: Asian Rugby Football Union, ARFU; nou Asië Rugby) aangesluit.
Taak Die Kasakse Rugbyunie organiseer verskeie nasionale spanne, insluitend Kasakstan se nasionale seniormansrugbyspan, vroue (Nomade) en jeug. Die KRU hou ook toesig oor sewesrugby in Kasakstan en aangesien dit ’n Olimpiese sportsoort is, werk hulle met die Kasakse Nasionale Olimpiese Komitee saam. Naas die amptelike nasionale span roep die Kasakse Rugbyunie ook ander keurspanne byeen. Daarbenewens bestuur die beheerliggaam kinder- en jeugrugby in Kasakstan. Kinders en jongmense word reeds op skool aan rugby bekend gestel en na gelang van hul belangstelling en talent begin hulle met hul afrigting. Net soos ander rugbylande beskik Kasakstan oor ’n o/20-nasionale span wat aan die Wêreldrugby o/20-kampioenskap deelneem.
Verwysings
Eksterne skakels Amptelike webwerf van die Kasakse Rugbyunie
Kategorie:Rugby in Kasakstan Kategorie:Rugbybeheerliggaam Kategorie:Wêreldrugby