Ahneby ( [], ; , ok Anders Bjerrum, Kristian Hald un Peter Jørgensen: Sydslesvigs stednavne, 7. Band, København 1979, S. 339) is en Gemeen in de Kreis Sleswig-Flensborg in Sleswig-Holsteen.
Geografie Laag Dat Gemeenrebeet vun Ahneby liggt en beten in de Oosten vun de Landschop Angeln sien Middelpunkt un de Südensee bi Sörup.
Öörd in de Gemeen
Blangen dat Dörp Ahneby liggen de Huusgrupp Sünnerhoff () un den Eenzelhoff Ahnebyheck in dat Gemeenrebeet.
Navergemenen An Ahneby grenzt an Sterup in de Noorden un Oosten, an Mohrkirch un Rüch in de Süden und an Sörup in de Westen.
Historie Ahneby steiht 1196 dat eerste Maal as Anabu in de Oorkunnen. De Oortsnaam bedüüdt Dörp vun Ani.
1868 wöör Ahneby en sülvstännige Landgemeen. Bet to de 1. Januor 2008 höörde Ahneby to dat Amt Steenbargkark. Vun do keem de Gemeen to dat gröttere Amt Geltinger Bucht.
Wapen Blasoneren: „In Blaag ünner en gullen Bronzbiel en daalsett, baven dörbraken un Wellenbalken, de an de Enn spitz tolöppt, dorünner en gullen Spiralarmband.“[ Kommunale Wappenroll Sleswig-Holsteen]
Siet Oktober 2006 föhrt Ahneby dat Gemeenwapen. Dat Armband un dat Biel schölen up de fröhe Besiedeln vun Ahneby henwiesen. Bavento steiht de anglo-iersche Stil vun dat Biel för dat Raden un Apenmaken vun dat Land för de Buerie, dat Handwark un de Hannel. Dat Spiralarmband steiht för de Wunsch na Eenigkeit, Tohoophoolt, Wollstand un Glück.
De Wellenbalken wiest op de Ahnebyer Waterscheed hen. Blaag un Sülver sünd ut dat Wapen vun de histoorsche Nieharr övernahmen. Dat Gold geiht op dat Andreaskrüüz in’t Wapen vun de Gemeen Steenbargkark torüch.
Weertschop un Infrastruktur In de Gemeen, de vun öllers her dör de Buerie präägt is, buen se vundaag jümmers mehr Wahnrebeten.
De neegste Bahnhoff is in Sörup. He liggt rund söss Kilometer westen vun Ahneby an de Bahnstreek Kiel–Flensborg.
Wat dat to bekieken gifft
Budenkmalen in Ahneby sünd de histoorsche Hoff Ahnebygaard an de Dörpstraat 4 (). To dat Denkmaal de Hoff mit Wahnhuus, Schüün un de Buerngoorn as Grööndenkmal. Dat utsmückt Anlaag steiht ünner Denkmalschutz, üm dat se dat Bild vun Kulturlandschap ümto präägt.
Literatur
List vun de Kulturdenkmalen in Sleswig-Holsteen – Kreis Sleswig-Flensborg
Weblenken
Gemeinde Ahneby
Footnoten
Kategorie:Kreis Sleswig-Flensborg