Böxlund () is en Gemeen in de Kreis Sleswig-Flensborg in Sleswig-Holsteen an de Grenz na Däänmark.
Geografie Geograafsche Laag Dat Gemeenrebeet vun Böxlund streckt sik in de Noorden vun de Naturruum Sleswigsche Vörgeest (Hööfteenheit Nr. 697) bet an de Born vun de Lecker Au ut. An den Süüdrand vun dat Gemeengebiet liggt en Deel vun dat NATURA-2000-Schutzgrebeet FFH-Rebeet Ekenhölter vun de Böxlunner Geest.
Gemeendelen Dat Gemeenrebeet vun Böxlund besteiht ut dat Dörp Böxlund un het süss keen anner Wahnplätz.
Navergemenen An Böxlund grenzen de däänsch Kommuun Apenraad in de Noorden, Jardelund in de Oosten, Medelby in de Oosten un Weesby in de Westen.
Historie mini|FFH-Rebeet Ekenhölter vun de Böxlunner Geest Archäoloogsche Funnen wiest dorop hen, dat in dat Gemeenrebeet al in de Jungsteentiet Minschen leven.
Böxlund stünn 1584 dat eerst Maal in de Oorkunnen. De Oortsnaam leddt sik vun dat af.
An de Stolzbarg wöör en Warmtiet-Paläobodden funnen, de al vör de Eem-Warmtiet ranwassen weer un dormit mehr as 150.000 Johren oolt is. De Fundsteed is vundaag en Naturdenkmaal. De fossile Podsol warrt as Bewies för en Warmtiet binnen de Saaleiesstiet ansehn.E. Kopp, P. Woldstedt: Über den Charakter der Wärmezeit zwischen Drenthe- und Warthe-Stadial in Norddeutschland. Eiszeitalter & Gegenwart 16, 1965, S. 37–46
Wapen Blasonerung: „Dör en inbagen halve gollen un blaag deelt Spitz. Baven en gröön apen Bookecker un en gröön över Eck stellt Eeg, nerrn en sülvern Ieskristall.“[ Kommunale Wapenroll Sleswig-Holsteen]
De apen Bookecker wiest op den Naam vun de Gemeen hen. De Eeg tohoop mit de Klören Gröön un Gold steiht för Buerie in de Gemeen. De Ieskristall wiest op den Stolzbarg mit dat Naturdenkmaal „Paläoböden am Stolzberg“ hen.
Weertschop De Gemeen is dör de Buerie, besünners de Weidweertschop un der Koornanbu, präägt. Veel Lüüd fohren na Flensborg oder Harrsle up Arbeid.
Literatur
Weblinks
Gemeen Böxlund bi dat Amt Schafflund
Footnoten
Kategorie:Kreis Sleswig-Flensborg