Dännwark (, ) is en Gemeen in de Kreis Sleswig-Flensborg in Sleswig-Holsteen. In dat Gemeenrebeet liggen Delen vun dat Dännwark, de däänsch Grenzwäll ut dat fröhe Middelöller, de vundaag en archäoloogsch Denkmaal sünd.
Geografie Geograafsche Laag Dat Gemeenrebeet vun Dännwark streckt sik in dat Rebeet vun de naturrüümliche Hööfteenheit Sleswigsche Vörgeest (Nr. 697) süüdwesten vun de Stadt Sleswig ut, de dissen Naturruum ehr Naam geven hett. An de Gemeengrenz to de Gemeen Busdörp liggt Oosten vun de Bundsautobahn 7 en Deel vun dat NATURA-2000-Schutzrebeet FFH-Rebeet Busdörper Daal.
Öörd in de Gemeen De Gemeen deelt sik in de twee Dörper Grootdännwark () un Lüttdännwark () un de Huusgrupp Koorborg (, ).
Navergemenen
In de Noorden liggt Hüsby, in de Noordoosten de Stadt Sleswig, in de Süüdoosten de Gemenen Jagel un Busdörp, in de Süden Groot Rheid un Lütt Rheid un in de Noordwesten Ellingsteed.
Wapen Blasonerung: „In Gold över en wassen rood Tegelmuur twee upricht, enanner towennt rood Ossenhöörn, de ehr Spitzen sik krüzen.“[ Kommunale Wapenrull Sleswig-Holsteen]
Weertschap un Infrastruktur Dat Gemeenrebeet is vör allem dör de Buerie präägt.
Siet 2022 finnt dat Dannewerk Open Air as Familienfest ünner dat Motto „vun hier. för hier“ statt.
Wat dat to bekieken gifft Dännwark-Museum In de Dännwark-Museum warrt de Historie vun dat Dännwark op Hoogdüütsch un Däänsch wiest. Dat Dännwark, dat twischen dat 7. un dat 11. Johrhunnert upbuut wöör, is dat gröttste archäoloogsche Denkmaal in Noordeuropa. Dat Museum liggt an de Krüüzweg vun de Dännwark sien Hööftwall un de Ossenpadd. Dat wöör 1990 grünnt un Weer eerst in en ool Buernhuus ünnerbröcht. Dat Huus wöör 2022 för en Niebu afreten.
Archäoloogsch Park
In de Archäoloogsch Park, de as Butenanlaag an dat Museum anslaten is, köönt Rester vun dat Dännwark bekeken warrn. Dorto höört ok dat Plateau vun de Thyraborg. Disse Borg weer en Fast an dat Oosten vun de Hööftwall un dregt den Naam vun Thyra Danebod, de Moder vun Harald Blaagtahn.
Ok en frieleggt Afsnitt vun de Waldemarsmuur lett sik in denArchäoloogsch Park ankieken. Disse Backsteenmuur ut dat 12. Johrhunnert wöör up Order vun König Waldemar I. de Wall to verstarken opbuut. Se gellt as dat gröttste un öllste weltliche Backsteenbuwark in Noordeuropa. De Waldemarsmuur weer 3,7 Kilometer lang, 5 bet 7 Meter hooch un 2,5 Meter breed.
Lüüd ut Dännwark Hans-Jürgen Thiesen (* 1956 in Dännwark), Mediziner un Hoochschoollehrer.
Literatur
Weblenken
Gemeen Dännwark bi dat Amt Harby www.dannewerk.de, privat Websteed över Dännwark
Footnoten
Kategorie:Kreis Sleswig-Flensborg