Erna un Fiete is en plattdüütsche Webserie vun de Hamborger Schauspelers Lara-Maria Wichels un Christian Richard Bauer, de se in’n Januarmaand 2026 anfungen hebbt. Mit de Plattsnackers Erna un Fiete nehmt se Vöroordelen över Noorddüütsche op de Schüffel: Se snackt nich veel aver hebbt klore Menen to richtige Franzbrööd (veel Kaneel un Zucker).
Bauer schrifft de Texten un Wichels Mann, Jendrik Wichels, nimmt de Stücken op un snitt se torecht. Mehrstendeels speelt de korten Films an’n Hamborger Haven. För de Folg Raumschiff Ernapreis hebbt se sogor en Brüch vun en Ruumschipp boot. Dor speelt ok Evangelos Sargantzo un Marco Reimers mit.
De Folgen sünd op de Social-Media-Sieden vun de Schauspelers antokieken, mannicheen ok op YouTube un TikTok.
Weblenken
Lara-Maria Wichels op Instagram Christian Richard Bauer op Instagram Tat-Nord: Franzbrötchen-Klau op YouTube Raumschiff Ernapreis - Platt im All op YouTube
Enkelnawiesen
Kategorie:Hamborg Kategorie:Plattdüütsch