mini|hochkant|Snittfigur vun Paapst Urbanus ut Südtirol, Enn‘n 15. Jh. (Propsteikark St. Urbanus in Gelsenkiärken-Buer) mini|Altarbild in de Filialkark Riedlingsdorf
De hillige Urban († 230) weer van 222 bit 230 Bischop vun Rom. Sien Naam bedüüd „de Städter“ (latiensch) un de Liber Pontificalis beschienigt hüm en stadtröömsch Herkunft. Historsch weet man wenig över hüm.
Wo he nöömt wurrd He wurr vun Eusebius von Caesarea in sien Kirchengeschichte nöömt un dat gifft ok en Inschrift in de Paapstkrypta vun de Calixtus-Katakombe mit sien Naam. He hett sien Amt in de Regeerenstiet vun Kaiser Alexander Severus utöövt, de sück den Christen tegenöver tolerant verhull. Dat Schisma vun Hippolyt von Rom düer an. De Kark fiert den 25. Mai as sien Gedenkdag, de nah olt Överleefern vermootlich sien Doodsdag is.
Nich historsch belegbar is de Toschrieven vun en liturgisch Verordnung, Messgeräte blots ut Sülver to fertigen, ebenso as en Breef an de Christenheit un en Dekret bi Pseudo-Isidor. De Legende snackt vun en groot Antall vun Bekehrten, ünner de ok Valerian, Ehemann vun de hillige Cäcilia, un sien Bröer Tiburtius weern. Todem sall he nah der Passio S. Caeciliae ut dat 5. Johrhunnert un anner latere Borns as Merteler dör Enthauptung ünner Kaiser Severus Alexander storven ween.
Verehrung as Hilliger De hillige Urban I. is Patron vun Maastricht, Toledo, Troyes, Valencia un Zielona Góra (Grünberg in Schlesien); de Wienbargen, den Wien, de Winzer un Küfer; gegen Trunkenheit, Gicht („St. Urbans Plag“Reinhard Barth (Hrsg.): Hans Sachs: Fastnachtsspiele und Gedichte. Mit einem Nachwort von Rudolf Mirbt, München 1988 (aus: Hans Sachsens ausgewählte Werke. Leipzig 1923), S. 531.), Fröst, Gewitter un Blitz. De Funktschoon as Schuulpatron vun de Winzer is sekundär, se wurr hüm wegen en Verwesseln mit den hilligen Urban von Langres († 375) todeelt.
Sien kathoolsch Gedenkdag is de 25. Mai, de Urbansdag. In Meideborg wurr buterdem an’n 22. Januar de translatio, de Överführen vun de Gebeene vun den hl. Urban, gedocht.
Literatur Ernst Pulsfort: Urban I., Papst. In: Biographisch-Bibliographisches Kirchenlexikon (BBKL). Band 12, Bautz, Herzberg 1997, ISBN 3-88309-068-9, Sp. 924–925. Werner Lühmann: St. Urban: Beiträge zur Vita und Legende, zum Brauchtum und zur Ikonographie. Würzburg 1968 (= Quellen und Forschungen zur Geschichte des Bistums und Hochstifts Würzburg, 19).
Weblinks
Indrag in de Catholic Encyclopedia, Robert Appleton Company, New York 1913 Gesamtwark vun Migne Patrologia Latina mit Inholtsverteeken
Enkeld Nahwiesen
Kategorie:Mann Kategorie:Paapst Kategorie:Hilliger Kategorie:Bischop