Achterwehr is en Gemeen in’n Kreis Rendsborg-Eckernföör in Sleswig-Holsteen, westen vun Kiel. Grote Delen vun de Gemeen höört to’n Naturpark Westensee.
Geografie Geograafsche Laag
Dat Gemeenrebeed vun Achterwehr liggt in’n Westen vun Kiel an’n Böverloop vun de Eider, just vör den Utloop dör den Achterwehrer Schippfohrtskanal in den Noord-Oostsee-Kanal. De Gemeen liggt in den noordwestlichen Deel vun de naturrüümliche Hööfteenheit Oostholsteensch Högel- un Seenland (Nr. 702). In dat Gemeenrebeed liggt de Ahrensee un de Poolsee.
Gemeendelen To de Gemeen Achterwehr höort dat glieknamige Dörp un ok Hohenschulen () mit dat Goot Hohenschulen, Schöönwoold () un dat Goot Marutendörp ().
Navergemenen Direkt an Achterwehr grenzt Quarnbeek in’n Noorden, Melsdörp in’n Noordoosten, Westensee, Molfsee un Mielkendörp in’n Süüdoosten un Felde in’n Westen.
Historie Achterwehr wöör 1375 dat eerste Maal in dat Oorkundenbook vun de Stadt Lübeek nöömt.Urkundenbuch der Stadt Lübeck, Bd. IV, S. 260 Üm 1900 harr Achterwehr 229 Inwahners; in den Oort geev dat en Postagentur, en Dampsaagwark, en Kroog, en Koopmann, en Smed un fief Handwarkers. De mehrsten vun de annern Inwahners arbeiden op den Gootshoff.Henning Oldekop: Topographie des Herzogtums Holstein, 1. Bd., Kiel: 1908, S. 54
Goot Hohenschulen
Dat Goot weer oorsprünglich en Meierhoff vun dat Goot Lütt-Noordsee in Brandsbeek (vundaag en Deel vun de Gemeen Felde) un wöör eerst 1801 en egenständige Eenheit. Dat hüdige Gootshuus un de Meierei wöörn üm 1802 buut. Ünner sien eerste Besitter O. J. D. Wulff wöör dat offiziell in den Kreis vun de Adelsgöder in Holsteen opnahmen. Na Wulff (1801–1816) folgten as Besitter Georg v. d. Steenhof (1816–1822), Schreiber v. Cronstern (1823–1868) un – as bekanntster Besitter – de sleswig-holsteensche Oberpräsident Graf Carl von Scheel-Plessen (1868–1892).Henning Oldekop: Topographie des Herzogtums Holstein, 1. Bd., Kiel: 1908, S. 53–54 Siet 1948 warrt dat as Versööksgood för dat Institut för Plantenanbu un Plantenproppen vun de Christian-Albrechts-Universität in Kiel bruukt.
Wapen Dat Wapen stellt de Funkschoon vun en Bohlenwehr mit de verscheden Waterhööchten dor un nimmt dormit Betog op den Oortsnaam Achterwehr („achter de Wehr“).
Blasoneren: „In Blaag en güllen Pahl, rechts begleit vun en daalsett, links vun en hoogsett sülvern Wachenbalken; över den rechten un ünner den linken Wachenbalken je en sülvern Bloom mit dree schüffelförmige Bloomblädder, de spitz utloopt.“[ Kommunale Wapenrull Sleswig-Holsteen]
Wat dat to bekieken gifft
duum|Der Achterweher Schippfohrtskanal
De Achterwehrer Schippfohrtskanal is en Kulturdenkmal in de Gemeen. De ganze Anlaag steiht wegen sien geschichtlich un technisch Bedüden as ok dör den starken Infloot up de Kulturlandschap ünner Schutz.
In Achterwehr hett de GAK Galerie fur aktuelle Kunst Achterwehr ehr Sitt; dor gifft dat Kunstutstellungen.
In dat Dörp Achterwehr steiht en 500 Johr ole Eekboom, in Schöönwoold en noch öller Ievenboom.
Verkehr De Stoppsteed Achterwehr liggt an de Bahnstreck Kiel-Hassee–Oosterrünfeld. Hier hollt Töög vun de Regionalbahnlien 75 vun den Nahverkehrsverbund Sleswig-Holsteen in’n Stünnen-Takt.
Dör dat nöördliche Gemeenrebeed löppt de Trass vun de Bundsautobahn 210 twüschen Kiel un Rendsborg. De na de Gemeen nöömte Anslussstell liggt aver direkt an de Grenz in dat Gemeenrebeed vun Felde.
Lüüd ut Achterwehr
Margarethe Wulff (1792–1874), Schrieversche för Kinner un junge Lüüd Werner Grote (1938–2025), Humangenetiker un Perfesser an de Christian-Albrechts-Universität to Kiel, leev in AchterwehrGrote, Werner. In: Walter Habel (Hrsg.): Wer ist wer? Dat düütsche Who’s who. 24. Utgaav. Schmidt-Römhild, Lübeck 1985, ISBN 3-7950-2005-0, S. 414.
Biller
Literatur
Weblenken
Websteed vun de Gemeen Achterwehr
Footnoten
Kategorie:Kreis Rendsborg-Eckernföör