Johanna Skottheim (* 29. Mai 1994 in Transtrand) is en sweedsch Biathletin. Siet 2020 hörrt se to’n sweedschen A-Kader.
Werdegang Johanna Skottheim is in de Provinz Dalarna upwussen un bedrifft siet hör 14. Levensjohr Biathlon. Se hett dat Skigymnasium in Torsby besöcht,Skidåkaren Viktor Thorn & skidskytten Johanna Skottheim bygger drömhuset. up eksjohus.se. Afropen an’n 16. Januar 2021. bleev in’n Jöögd- un Juniorenberiek ahn groot Erfolge un wurr as Nahwusssportlerin nie för internatschonale Meesterschapen nomineert. In en Interview hett se laterhen seggt, dat se in jünger Johren kien besünner Talent wiest harr.Min historia – Intervju med Johanna Skottheim 2018 up drickrå.se. Afropen an’n 16. Januar 2021. „Jag hade ganska många tuffa år när jag började med skidskytte då jag var långt ifrån en talang.“ Hör eerste internatschonale Rennen hett se in’n IBU-Cup in de Saison 2014/15 in dat poolsch Duszniki-Zdrój bestreeden. Nah mehreren Top-20-Resultaten in de tweethööchst Biathlon-Wettkampreeggeev se een Johr later, in’n Januar 2016, hör Weltcupdebüt. Bi den Sprint in Ruhpolding keem se aber nich över Platz 89 herut.
Bit 2019 is Skottheim regelmatig in’n IBU-Cup as ok bi de Europameisterschapen antreeden un hörr blots af un to to dat sweedsch Weltcupteam, un keem bi hör wenig Starts ok nich in de Punkteränge. To Anfang vun de Saison 2019/20 wunn Skottheim twee IBU-Cup-Sprints un kreeg af Januar 2020 en düersamen Platz in‘n Weltcupkader. In‘n Sprint vun Ruhpolding bleev se ahn Fehler un keem up Platz 13, vun den se sück in den ansluutenden Verfolger noch up Platz 4 verbetern kunn. Den vun hör Teamkollegin Hanna Öberg hollen darten Rang verpass se dorbi blots um 2,2 Sekunnen. Ansluutend nehm se as Ersatzlöperin an de Weltmeesterschapen 2020 deel un keem in dat 15-Kilometer Eenzelrennen to’n Insatz un belegg dor Platz 44. Se hett de Saison mit en wiederen Top-Ten-Ergevnis afslootenm. In de Verfolgung von Kontiolahti weer se een vun de wenig Sportlerinnen mit blots een Fehler un verbeter sück dordör vun Rang 40 up den 7. Rang. In de Gesamtwertung belegg se an’n Enn’n Rang 48.
To Anfang vun de Weltcupsaison 2020/21 leep Skottheim in Kontiolahti in dree Eenzelrennen ünner de eerst Fief, wobi se hör best Ergevnis in dat 15-Kilometer-Rennen reck, dat se as Dart achter Dorothea Wierer un Denise Herrmann afsluuten dee un dormit eerstmals up en Weltcuppodium stunn. Kört dormah – ebenfalls in Kontiolahti – fier se as Startlöperin vun de sweedsch Fruenstaffel tosommen mit Mona Brorsson as ok Elvira un Hanna Öberg hör eersten Weltcupsieg. An dat Enn’n vun de Saison reck se Rang 41. Hör internatschonalen Dörbröök nah Johren mit mittelmatig Platzeeren hett Skottheim in’n Dezember 2020 ünner annern dormit verkloort, dat se in de Vörbereitung mehr up hör Körper acht un teelgerichteter traineert harr. Todem harr se vun de Upnahm in de eerst sweedsch Mannschap un de Tosommenarbeit mit de Natschonaltrainern Johannes Lukas un Jean-Marc Chabloz profiteert. Vör allen hör Scheeten harr se wiederentwickelt.Johan Trygg: Skottheim tog en lång väg till toppen up langd.se. 16. Dezember 2020. In de tweet Saisonhälfte weer Skottheim nah Lukas sien Utseggen övermööd. Hör Leistungen leeten nahun se wurr nah den Weltmeesterschapen 2021, bide se mit de Staffel up Platz 5 leep, nich mehr in den Weltcup insett.Johanna Skottheim petas i världscupen: ”Kände sig trött” up svt.se. 26. Februar 2021. Dat Leistungsdeept, dat Skottheim up Utbrennheit as Folg vun ÖvertraineerenJonathan Nilsson: Johanna Skottheims första SM-guld – efter mardrömsåret up aftonbladet.se. 27. März 2022. Afropen an’n 18. April 2022. un up Slaapprobleme torüchführen dee,Bella Franzén: Johanna Skottheim om tuffa säsongen: ”Fånge i min egen kropp” up svt.se. 20. Juli 2021. Afropen an’n 18. April 2022. hett sück in de folgend Johren fortsett: In‘n Weltcup keem se blots noch selten in de Punkteränge un wurr ok nich für de Olympisch Winterspen in Peking nomineert. 2023/24 hett se överwegend Rennen in‘n IBU-Cup bestreeden un hör tietwies dornah nich mehr to dat sweedsch Natschonalteam. In‘n Winter 2024/25 stieger Skottheim hör Leistungen. Se kreeg weer regelmatig Weltcupinsätze un reck dor ünner annern ok en 5. Platz in dat Eenzelrennen vun RuhpoldingBiathlon-Star zurück in der Nationalmannschaft up sport.de. 30. April 2025. Afropen an’n 15. Mai 2025. as ok Sieg mit de sweedsch Fruenstaffel in Antholz.L-G Alsenius: Svensk seger i dramatisk stafett! up skidskytte.se. 26. Januar 2025. Afropen an’n 15. Mai 2025. An dat Enn’n vun de Saison keem se in de Gesamtwertung up Rang 45. De folgend Saison keem se gar nich togang. Blots dreemal keem se in de Punkteränge, keem aber mit de Staffel in Ruhpolding eenmal up dat Podest, wobi se as Startlöperin ahn Fehler bleev. In’n IBU-Cup reck se ok noch en Podestplatz.
Hör eerst sweedsch Meestertitel in’n Utwussenberiek wunn Skottheim in‘n März 2022 in'n Massenstart vör Mona Brorsson.Oskar JP Danielson Frost: Skottheim vann masstarten – brons till Stina Nilsson up svt.se. 27. März 2022. Afropen an’n 18. April 2022.
Weblinks
Johanna Skottheim in de Datenbank vun de IBU (engelsch) Statistische Auswertung vun de Karriere vun Skottheim up realbiathlon.com (engelsch)
Enkeld Nahwiesen
Kategorie:Fru Kategorie:Börger von Sweden Kategorie:Boren 1994 Kategorie:Biathlet (Sweden)