Barmhusen, ok Bahmhusen oder Bavenhusen schreven (, ), is en Gemeen in de Kreis Sleswig-Flensborg in Sleswig-Holsteen. De Gemeen is wiedhen as „Aadboordörp“ bekannt, üm dat hier een vun de gröttsten Aadboorkolonien in Europa Tohuus is.
Geografie Barmhusen liggt op de Geestrüch Stapelholm in dat siede Land rund üm de Eider, Treen un Sorg.
Blomendaal (), Bruunsholm (), Lüttensee un Oosterfeld () hören to de Gemeen.
De Oostgrenz vun de Gemeen is de Ool Sorg. In de Westen flütt de Treen un is ok de Grenz na de Kreis Noordfreesland.
Historie Barmhusen stünn 1304 dat eerst Maal as Beveringhusen (vun Bever) in de Oorkunnen. Archäoloogsche Funnen wiest do man up hen, dat in Barmhusen al vör 6000 Johren, tominnst siet de Jungsteentiet, Minschen leven. Dat wiest sik an Knüllgräver un prähistoorsche Feller för de Landbu.
Vun de 1. Dezember 1905 bet 1943 harr Barmhusen en Bahnhoff an de Deelstreck Sleswig Staatsbahnhoff – Friechstadt Kreisbahnhoff vun de Sleswiger Kreisbahn. De Personenverkehr wöör an de 1. Februar 1934 instellt. De Göderverkehr enn up’t laatst Juli 1943, üm dat de Eisenbahnsport vun de 2. August 1943 an afbuut wöör.
In de 1980er Johren wöör in’t „Medauhuus“ dat inricht. Dor wöör 1992 dat Michael-Otto-Instituut vun de NABU vun.
Wapen Blasonerung: „In Gröön en Aadbor in natürlich Tinktur, vun de de rechte Stänner hoochböhrt is un de linke mit twee sülvern Wachenfadens överdeckt is.“.
De Wachen steit för de Strööm Treen un Sorg.
Wat dat to bekieken gifft
Dat Ankieken weert is de barock Dörpkark in Barmhusen, de 1712 buut wöör. In: storchendorf-bergenhusen.de, oprapen an'n 13. April 2020. Ok dat 1735 upbuut Pasterhuus, de Bruhn-Hoff mit sien Aadboornester up dat Daak un de Windmöhl Margretha, de bet 1957 in Bedriev weer un 2005 nee Flünk kreeg, präägt dat Oortsbild.
Kark De Dörpkark Barmhusen wöör 1712 an de Steed vun en wrack Kapell upbuut, de sachts al ut dat 13. Johrhunnert weer. De Kark is en barock Saalkark.. In: kirche-bergenhusen.de, opropen an de 9. Februor 2018. Se is mit Malereen ut verscheden Tieden utsmückt. Dat Inventoor, dorünner en Flögelaltaar ut dat Johr 1613, stammen ut de ool Kark.
De Kark höört to de Karkgemeen Barmhusen. De is an de 1. Januor 2019 tohoop mit de Gemenen vun de St.-Marien-Magdalenen-Kark in Arf un de Kathrinenkark in Süderstapel to de evangeelsch-luthersche Karkgemeen Stapelholm-Stapel tohoopleggt worrn. In: kirchenkreis-schleswig-flensburg.de, upropen an de 13. April 2020.msü: Kirche feiert die Fusion. In: Schleswiger Nachrichten. 5. Februor 2019, S. 13 (SHZ.de, upropen an'n 10. März 2022).
Windmöhl Margretha De Vörgänger vun de Windmöhl Margretha weer bet 1680 de Twangmöhl för de Inwahners vun Stapelholm. De Möhl vundaag stammt ut dat Johr 1891 un is en Hollännermöhl up gele Backstenen. 1957 stell de Möller up Elektrobedriev üm un drie Johren later wöör de Möhlenbedriev heel instellt. Dorna wöör de Kapp afnahmen, de Möhlenstump mit Blick bedeckt un de ole Möhlentechnik meist heel bewohrt. Na dat en Hamborger Informatiker dat Buwark 1991 köfft harr, wöör de Möhl ümfangriek saneert. Dor wöörn vele Backstenen bi utwesselt, de Kapp wedder opsett un mit Segelgatterflögels utstaffert. In de Möhl wöör ok en lütte Wahnung inricht.Windmühle „Margaretha“ in Bergenhusen. In: Denkmal! Zeitschrift för Denkmalpleeg in Sleswig-Holsteen. Rutgeven vun Landsamt för Denkmalpleeg Sleswig-Holsteen mit Stütt vun dn Denkmalfonds Sleswig-Holsteen e. V. Band 14 (2007), , S. 119
Aadboors
De Aadboors sünd in Barmhusen vun Enn Februor oder Anfang März bet Midd oder Enn August to Huus. In de 1980er Johren bröden in Barmhusen mehr Aadboors as in jichtenseen anner Gemeen in de Bundsrepublik Düütschland. Ok vundaag höört de Gemeen mit rund 20 Brottporen to de gröttsten Aadboorkolonien in Europa. Ehr Fodder finnt de Aadboor in fief Köög, de in dat fröh 18. Johrhunnert Seen in’t Maschland vun de Eider af wunnen wöörn.
De Naturschuulbund Düütschland (NABU) ünnerhöllt in’t Naturschuulzentrum dat Michael-Otto-Instituut,Homepage. In: bergenhusen.nabu.de, upropen an de 9. Februor 2018. en Instituut för Wischen un Fuchtrebeten in de Midd vun Barmhusen. Dor warrt ok Föhrungen un Vördrääg anbaden. De Statschoon koordineert ünner annern de internatschonaal Aadboor-Tellen, bi de de Bestänn weltwiet tellt warrt. In de Oortsdeel Lüttensee gifft dat en Upfangstatschoon för krank un versehrt Aadboors. Dorto pleegt Liddmaten vun de NABU de Aadboornester.Redaktion Schleswiger Nachrichten: 20 Storchennester in Bergenhusen restauriert; Schleswiger Nachrichten, 13. März 2023, www.shz.de/lokales/kropp-stapelholm/artikel/20-storchennester-in-bergenhusen-restauriert-44334036
Partnergemeen is dat Aadboordörp Rühstädt in Brannenborg.
Der Hoier-Boier-Stroot un ok en Kroog in Barmhusen sünd na de Aadboors benöömt.
Lüüd ut Barmhusen Ferdinand Hoff (* 1867 in Barmhusen; † 1942 in Kiel), Schoolmeester, Politiker un Maat vun de Düütsche Rieksdag.
Weblinken
Websteed vun de Gemeen Barmhusen
Footnoten
Kategorie:Kreis Sleswig-Flensborg