Die sterretjie-drakie (Synchiropus stellatus) is 'n vis wat voorkom in die westelike Indiese Oseaan en aan die ooskus van Afrika vanaf Oman tot by die Protea-bank in die suide van KwaZulu-Natal. In Engels staan die vis bekend as die starry dragonet.
Voorkoms Die vis het twee dorsale vinne, die eerste met vier lang strale. Die bekkenvinne is groot. Die lyf is bleek wit en met 'n pienk of ougoud skynsel. Daar is 'n ry vlekke op die middel van die lyf met 'n ry klein rooi kolletjies onder die vlekke. Die vis word tot 7.5 cm lank.
Habitat Die vis leef in groot groepe naby koraalriwwe op sanderige bodems in water wat nie dieper as 40 m is nie.
Sien ook Alfabetiese lys van visse Lys van Suider-Afrikaanse visse volgens wetenskaplike name Lys van varswater visfamilies Lys van visfamilies
Bron Coastal Fishes of Southern Africa. Phil & Elaine Heemstra. 2004.
Eksterne skakel http://fishbase.org/summary/Synchiropus-stellatus.html
Kategorie:Beenvisse