Die vlekoog-soldaat (Myripristis murdjan) is 'n vis wat voorkom in die tropiese en subtropiese water van die Indies-Pasifiese area, die Rooisee en aan die ooskus van Afrika van Oman tot by Sodwanabaai in KwaZulu-Natal. In Engels staan die vis bekend as die Blotcheye soldier.
Voorkoms Die vis is normaalweg rooierig van kleur maar kan ook silwerig wees. Die rand van die operkulum is donker na swart. Daar is 'n swart vlek oor die oë en die vis word tot 27 cm groot.
Habitat Die vis leef in koraalriwwe tot op dieptes van 50 m en vreet onder andere soöplankton, vis en wurms. Hulle word nie sommer gedurende die dag gewaar nie. Die vis kan verwar word met die grootskub-soldaat.
Sien ook Alfabetiese lys van visse Lys van Suider-Afrikaanse visse volgens wetenskaplike name Lys van varswater visfamilies Lys van visfamilies
Bron Coastal Fishes of Southern Africa. Phil & Elaine Heemstra. 2004.
Eksterne skakel http://fishbase.org/summary/Myripristis-murdjan.html
Kategorie:Beenvisse