Die blouhottentot (Pachymetopon aeneum) is 'n vis wat endemies is aan Suid-Afrika en wat van Valsbaai tot by Sodwanabaai voorkom. In Engels staan die vis bekend as die blue hottentot.
Voorkoms Die vis se lyf is silwerbrons met 'n blou skynsel en die kop is kobaltblou. Die kleure verdof na 'n bruingrys na die vis dood is. Die vis word 60 cm lank en 5 kg swaar.
Habitat Die vis verkies rotsriwwe van tot 75 m diepte. Die onvolwasse visse bly nader aan die strand in water wat 10 – 20 m diep is. Die wyfies skiet kuit gedurende September tot Maart. Dit is 'n gewilde eetvis.
Sien ook Alfabetiese lys van visse Lys van Suider-Afrikaanse visse volgens wetenskaplike name Lys van varswater visfamilies Lys van visfamilies
Bron Coastal Fishes of Southern Africa. Phil & Elaine Heemstra. 2004.
Verwysings
Eksterne skakel http://www.fishbase.org/summary/Pachymetopon-aeneum.html http://eol.org/pages/204821/overview
Kategorie:Beenvisse