Die Mier Plaaslike Munisipaliteit was een van die plaaslike munisipaliteite in die ZF Mgcawu-distriksmunisipaliteit in die Noord-Kaap, Suid-Afrika.
Mier het met die ://Khara Hais Plaaslike Munisipaliteit saamgesmelt direk na die 2016 plaaslike verkiesing, om die nuwe Dawid Kruiper Plaaslike Munisipaliteit te vorm. Upington word die setel.
Ligging Mier lê wes van die Nossobrivier, die Moloporivier en die nedersetting Askham. Die noordgrens is die grens met die Kalahari Gemsbokpark (Kgalagadi Oorgrenspark, Kgalagadi Vredespark) op nagenoeg die 26°-suiderbreedtelyn. Aan die westekant vorm die 20°-oosterlengtelyn die grens met Namibië. Rietfontein en die Hakskeenpan is die kern van die gebied.
Naam Die naam Mier (of Mierland) verwys na die groot aantal mere of panne wat tussen die Nossob, Molopo, die Kurumanrivier en die Oranjerivier voorkom. Hierdie panne het slegs water in die uitsonderlike geval van 'n goeie reënjaar. Sommige van die panne is besonder groot. Hakskeenpan beslaan 24 km by 10 km en die Koppieskraalpan het 'n deursnee van 10 km. Die plat beddings word as paaie gebruik.
Nedersettings Volgens die Suid-Afrikaanse Nasionale Sensus van 2001 was die munisipaliteit as volg verdeelLookup Tables - Statistics South Africa Plek Kode Area (km2) Bevolking Groot Mier 315010.44425 Mier 3150211,743.223,477 Philandersbron 315030.77790 Rietfontein 315041.512,157
Setels Party200020062011ANC334DA202OD020COPE001
Geskiedenis 'n Groep nomadiese Basters en Oorlams wat suid van die Oranje geleef het, het hulle in 1865 by Mier gevestig. Korannas wat vroeër in Gordonia gewoon het, het hul plase aan blanke boere verkoop en hulle ook op Mier gevestig. Laat in die 19de eeu het Gilarmi A. Farini by Rietfontein gewoon en in 1886 sy boek Through the Kalahari desert gepubliseer. Dit het aanleiding gegee tot die legende oor die verlore stad van die Kalahari.
Bibliografie Goldie, Fay: Lost city of the Kalahari - the Farini story and reports on other expeditions. Kaapstad: Balkema, 1963. Van der Merwe, P.J.: Pioniers van die Dorsland. Kaapstad: Nasionale Pers, 1941.
Verwysings
Kategorie:Plaaslike Munisipaliteite in die Noord-Kaap