Hantili I was 'n koning van die Hetitiese Ou Koninkryk. Hy het sowat 30 jaar lank regeer, van omstreeks 1590-'60 v.C. (middelchronologie).
Biografie Troonbestyging Volgens die Telepinoe-proklamasie was Hantili die skinker van Moersili I, koning van die Hetiete. Hantili was getroud met Harapsili, Moersili se suster.Telepinoe-proklamasie, §10 Omstreeks 1590 v.C. het Hantili, met die hulp van sy skoonseun, Zidanta, Moersili vermoor. Daarna het Hantili hom as koning opgevolg.
Bewind Daar is net 'n paar verstrooide bronne oor wat Hantili se bewind beskryf.Bryce, (2005) p. 100. Hy het die militêre tradisies van die konings voor hom voortgesit. Een van die belangrikste kwessies was om Hetitiese beheer in Sirië te handhaaf. Hy het na die stad Karkemisj gereis op 'n militêre veldtog, waarskynlik teen die Horiete, wat lank vyande van die Hetiete was. Die sukses van die veldtog is onbekend.
Daarna het hy na Hattoesa, die Hetitiese hoofstad, teruggekeer. Op sy terugreis het hy die stad Tegarama, moontlik die moderne Turkse stad Gürün, bereik. Teen dié tyd het Hantili volgens die Telepinoe-proklamasie begin spyt word omdat hy Moersili vermoor het. Hy het vir homself gesê: "wat het ek gedoen? Hoekom het ek na die woorde van Zidanta, my skoonseun, geluister? Die oomblik toe hy as koning regeer het, het die Hetitiese gode geregtigheid gesoek vir die bloed van Moersili."Telepinoe-proklamasie, §13
Familie Hantili se ouers is nie bekend nie. Hy en sy vrou, Harapsili, het minstens een dogter gehad. Hantili se kleinseun was Ammoena, wat Zidanta vermoor het.
Verwysings
Skakels Die bewind van Hantili I
Kategorie:Konings van die Hetiete