Telepinoe of Telipinoe was die laaste koning van die Hetitiese Ou Koninkryk. Hy het sowat 25 jaar lank regeer, van omstreeks 1525-'00 v.C. (middelchronologie).Redakteurs. "Telepinus: Hittite king", in Encyclopaedia Britannica. Besoek op 29 April 2022.
Aan die begin van sy bewind was die Hetitiese Ryk verklein tot sy kerngebiede, want dit het reeds lank tevore sy oorwonne gebiede van vorige heesers soos Hattoesili I en Moersili I verloor. Die ryk het gestrek tot Arzawa in die weste, Mitanni in die ooste, die Kaskiërs in die noorde en Kizzoewatna in die suide.Birgit Brandau, Hartmut Schickert: Hethiter Die unbekannte Weltmacht
Familie Telepinoe was die skoonseun van Ammoena en swaer van Hoezzija I; hy was die man van Ammoena se dogter Istaparija. Hy het die naam aangeneem van die god van landbou, Telepinoe.Beckman, Gary. "Telipinu" in Reallexicon der Assyriologie und Vorderasiatischen Archäologie, Vol. 13. 2012
Alloewamna was 'n skoonseun van Telepinoe, want hy was getroud met Harapseki, Telepinoe se dogter.Biography and family of King Telepinu
Bewind Tydens Telepinoe se bewind is Hoezzija en sy vyf broers vermoor.The Kingdom of the Hittites deur Trevor Bryce Sy seun en vrou is daar mededingers om die troon vermoor. Die moordenaars is gevang en ter dood veroordeel, maar Telepinoe het hulle eerder verban, want hy wou die bloedvergieting stopsit. (Baie van sy voorgangers is vermoor of het geheimsinnig gesterf.)
Hy kon klein stukkies grondgebied van die Horiete van Mitanni terwugwen deur 'n bondgenootskap te sluit met die Horiete van Kizzoewatna. Teen die einde van sy bewind het die Hetitiese Ryk egter 'n tydelike "donker eeu"-tydperk binnegegaan wat sowat 70 jaar geduur het. Die rekords van dié tyd is te min om veel oor dié tyd agter te kom.
Opvolgingswet Telepinoe is waarskynlik die bekendste vir die opstelling van die Telepinoe-proklamasie, of Edik van Telepinoe, wat die opvolgingswette vir die Hetitiese troon vasstel. Dit was bedoel om al die koninklike moorde van die vorige dekades stop te sit wat die ryk so nadelig beïnvloed het.
Verwysings
Skakels Die bewind van Telepinoe
Kategorie:Konings van die Hetiete