De Cardinal Stritch University weer en private kathoolsch Universität, de ehrn Hööftcampus in Fox Point un Glendale, Wisconsin (USA) harr. In’n Harvst 2021 weern 1.365 Studeerende inschreeven. https://authoring-kentico.stritch.edu/getmedia/8fa3c7b0-929d-4463-be6d-1912f071b849/CampusMap_1920.pdf De Universität hett ehrn Bedriev in’n Mai 2023 wegen finanzieller Schwierigkeiten un minner wurrn Studeerendentahlen instellt.
Geschichte De Universität wurr 1937 as St. Clare College vun de Süsters vun den Orden vun den Hilligen Franziskus vun Assisi in‘n Süden vun Milwaukee grünnd. Dat College sull den Ordenssüstern en Utbillen to Lehrkräften mögelk maaken. 1943 wurr en Zentrum to dat Fördern vun de Lese- un Schrievkompetenz in de Region apen maakt un noch hüüd gifft dat in den Ruum vun Milwaukee „Cardinal Stritch University Literacy Centers“.
1946 wurr dat College to Ehren vun Kardinal Samuel Alphonsius Stritch (17. August 1887 – 27. Mai 1958) vun de Arzdiözese Milwaukee in „Cardinal Stritch College“ umnöömt. De Hoochschool hett denn ok eerstmals Laienfruen tolaaten un wurr 1953 von de „North Central Association of Colleges and Schools“ akkrediteert.
1956 führe Stritch den eersten Studiengang up Postgradueertenebene in, mit den Swoorpunkten Sonderpädagogik un Lesepädagogik. Ebenfalls in dit Johr wurrn ok männliche Studeerende tolaaten; af 1970 weer se vullständig koedukativ utricht.
1962 truck Stritch up en nee Campus in den nördlichen Milwaukee-Vöroort Fox Point um. Disse nee Standoort hett den ok dat Inführen vun tallriek nee Programme mögelk maakt, dorünner en Studiengang för Krankenpleeg (1980) as ok de Grünnen vun dat „College of Business and Management“ (1982).
1997 wurr dat Cardinal Stritch College in „Cardinal Stritch University“ umnöömt. In dat dorpfolgend Jahr geev dat ok den eersten Promotschonsstudiengang vun de Universität (mit den Swoopunkt „Leadership for the Advancement of Learning and Service“). 2006 wurr de Universität utwiet un moderniseert, wat 14 Millionen US-Dollar kösöten dee. Dat geev jetzt aber ok Online-Studiengängen.
In‘ April 2023 geev de Hoochschoolleitung bekannt, dat de Universität wegen finanzieller Schwierigkeiten un immer minner wurrn Studeerendentahlen in’n Mai dicht maakt wurr.
De Universität befunn sück up en rund 16 Hektar (40 Acres) groot Campus, etwa 14 Kilometer nördlich vun Milwaukee in den Vöröörd Fox Point un Glendale as ok weniger as 1,6 Kilometer westlich vun den Michigansee. In‘n Juli 2023 wurr dat Gelände an de Ramirez Family Foundation verköfft, um dör en nee School to bauen. Stand Mai 2024 wurr en Grootdeel vun de ehmalge Universität afreetn, um dör neebauten ersett to wurrn. De Sporthall, de Bibliothek, dat Campus-Zentrum as ok de Hüüs för billend un dorstellend Künste söllt stahn blieven.
Studienangebot De Universität hett över veer Fakultäten henweg mehr as 60 Studiengänge anboden, de to Bachelor-, Master- un Doktorafslüssen führen deen.
Sport De Sportmannschapten vun de Cardinal Stritch University sünd ünner de Naam „Wolves“ antreeden. De Universität weer Liddmaat vun de National Association of Intercollegiate Athletics (NAIA).
De Universität harr 13 Hoochschoolsportmannschapen.
Sonstiges De Farven vun de Universität weern Root un Witt un de Leitspröök weer latiensch: Ut probetis potiora.
Weblinks Website vun de Universität (engelsch
Enkeld Nahwiesen
Kategorie:Universität Kategorie:Wisconsin