Harold Eliot Varmus (* 18. Dezember 1939 in Oceanside, Nassau County, New York) is en US-amerikaansch Viroloog, bekannt för Forschungen to krebsutlösend Genen (Onkogenen) in gesund Zellen. 1989 kreeg he den Medizinnobelpries
Leven Varmus is de Söhn vun jöödsch Emigranten ut Öösterriek un Polen. Sien Vader weer Dokter. He hett an dat Amherst College tonächst engelsch Literatur studeert (Bachelor-Afsluss 1961), hett dat Studium an de Harvard University fortsett (Master-Afsluss M.A. 1962), is dornah aber to de Medizin överwesselt. Wiel he in Harvard torüchwiest wurr, studeer he an de Columbia University (M.D. Afsluss 1966) un weer denn an en Missionshospital in Indien (in Bareilly) un an dat Columbia Presbyterian Hospital in New York City, wo he sien Fackarztutbillen maakt hett (Internship, Residency). As Alternative to’n Wehrdeenst weer he 1968 bi den National Institutes of Health, wo he bi Ira Pastan an Genregulatschoon in Bakterienzellen arbeiten dee. 1970 gung he as Post-Doktorand an dat Labor vun John Michael Bishop an de University of California, San Francisco (UCSF). Tosommen mit Bishop hett he dor dat eerste minschliche Onkogen opdeckt. De gemeensame Forschung broch hör later den Nobelpries. 1972 wurr Varmus Assistant Professor an de UCSF un 1979 Perfesser.
1993 bit 1999 weer he Direkter vun de National Institutes of Health, en Ünnerbehörde vun dat US-Gesundheitsministerium. Af 2000 weer he Präsident vun dat Memorial Sloan-Kettering Cancer Center in New York City. 2010 wurr he Direkter vun dat National Cancer Institute. He is siet 1969 verheiraadt un hett twee Söhns. Neben den Mechanismus vun dat Entstahn vun Tumoren (Onkogene, studeert mit RetrovirenHarold E. Varmus: Cellular oncogenes and retroviruses. In: Ann. Rev. Biochem. Band 52, 1983, S. 301–354.Harold E. Varmus: Retroviren und Onkogene I. In: Angewandte Chemie. Band 102, 1990, S. 756–764.), hett he ok Virenvermehrung, dat HI-Virus un dat Hepatitis-B-Virus as ok Brustkrebstumoren in Müüs ünnersöcht.
Varmus sett sück för den free Togang to wetenschaplich Journalen in uni s in dissen Tosommenhang Mitbegrünner vun de Public Library of Science un in’n Raat vun BioMed Central (en Verlag för Open-Access-Journale). Wiels sien Tiet as Direkter vun dat NIH hett he de Grünnen vun PubMed Central anschaven, för de hüm dat arXiv as Vörbild vörsweef. An den den Wedderstand vun de Verlage is de Ümsetten vun sien oorsprünglich Idee, up en Plattform mit Naam E-Biomed sämtliche biomedizinische Forschung togängig to maken nich togang kommen.Richard Poynder: Preface. In: Ulrich Herb, Joachim Schöpfel: Open Divide: Critical Studies on Open Access. Litwin Books, 2018. ISBN 978-1-63400-029-1 Online verfügbar unter Preface: Open Divide?. Blog vun Richard Poynder. Afropen an’n 1. Oktober 2024.
Utteknungen Varmus kreeg den Melanie Bronfman Award in Breast Cancer un 1984 en Gairdner Foundation International Award.
1982 wurr he mit den Albert Lasker Award for Basic Medical Research uttekent, 1984 mit den Alfred P. Sloan, Jr. Prize. 1989 kreeg he gemeensam mit John Michael Bishop den Nobelpries för Physiologie oder Medizin „für ihre Entdeckung des zellularen Ursprungs der potentiell krebserzeugenden Retroviren“.
2001 kreeg he de National Medal of Science. 2010 wurr he Ehrendokter vun de University of Massachusetts Medical School. 2012 kreeg he de Glenn T. Seaborg Medal.
Varmus is Liddmaat vun de National Academy of Sciences, de American Academy of Arts and Sciences, de American Philosophical Society un de American Association for the Advancement of Science as ok de American Society for Virology un de American Society for Microbiology.
Literatur Gisela Baumgart: Varmus, Harold Eliot. In: Werner E. Gerabek, Bernhard D. Haage, Gundolf Keil, Wolfgang Wegner (Hrsg.): Enzyklopädie Medizingeschichte. De Gruyter, Berlin / New York 2005, ISBN 3-11-015714-4, S. 1436. Volker Wunderlich: Wie aus normalen Genen Krebsgene werden. In: Wiss. Fortschr. Band 40, Heft 1, 1996, S. 4–6.
Weblinks
Harold Eliot Varmus up de Sieden vun den Nobelpries (engelsch) Harold E. Varmus: Autobiografie Encyclopædia Britannica: Harold Vamus#
Enkeld Nahwiesen
Kategorie:Mann Kategorie:Börger von de USA Kategorie:Boren 1939 Kategorie:Viroloog Kategorie:Nobelpriesdräger (Medizin)