Manfred Ritschel (* 7. Juni 1946 in Unterreichenbach; † 26. Juni 2026) weer en düütsch Footballspeler.
Werdegang Ritschel fung sien Loopbahn bi sien Heimatvereen SV Unterreichenbach an, wessel denn över den FC Stein to’n ESV Ingolstadt-Ringsee, mit den he 1968 Bayernliga-Meester wurr. De dormalige Regionalligist SSV Jahn Regensburg wurr dorup up den Störmer upmarksom un hett hüm ünner Verdrag nommen. Ünner den Trainer Aki Schmidt gelung den SSV in de Saison 1968/69 binah de Upstieg in de Bundsliga. Nahdem he in 60 Spelen 38 Doren för den Jahn schaaten harr, wessel Ritschel in en Tuuschhannel 1970 to Borussia Düörpm (för hüm keem Alfred Kohlhäufl nah Regensborg). Glieks in sien eerst Profijohr speel he in all Bundsligapartien un hett dorbi 6 Doren schaaten.
Manfred Ritschel speel as Störmer up rechts un wessel nah den Afstieg vun den BVG ut de Bundsliga to den Süd-Regionalligisten Kickers Offenbach. Mit den vun Gyula Lóránt traineerten OFC steeg he in dat Johr dorup in de Bundsliga up. In Offenbach wurr he ok Footballnatschonalspeler: He speel dreemal för Düütschland un hett dorbi een Door schaaten. Nah den Afstieg vun de Offenbacher Kickers 1976 wessel he to den 1. FC Kaiserslautern un speel in de Saison 1977/78 noch een Jahr bi FC Schalke 04. Bevor he sien Karriere afsluuten dee, speel he noch vun November 1978 bit to dat Enn’n vun de 1981/82 in de 2. Bundsliga Süd bi de SpVgg Fürth, den Vörlöper vun de hüüdige SpVgg Greuther Fürth.
Manfred Ritschel hett insgesamt 231 mal in de Bundsliga speelt un dor 33 Doren schaaten. Dorto kommen in de 2. Bundsliga noch negen Doren bi 108 Spelen-
Ritschel weer nah sien aktiv Loopbahn noch as Trainer tätig. Hüm gelung mit den SC 04 Schwabach 1998 de Upstieg in de Bayernliga.
2007 wurr he in de Johrhunnert-Elf vun den SSV Jahn Regensburg wählt.
Ritschel harr twee Döchter. He wahn in Sorg, Wendelstein bi Nürnbarg up Slott Sorg, wo he as Geschäftführer tosommen mit en Familie dat Slott denkmalgerecht erhollen dee un Themenmärkte veranstalt hett.
Ritschel hett völ Johren mit gesundheitlichen Problemen to doon harrt. 2009 wurr hüm nah twee Hartinfarkten un mehreren Bypass-Operatschonen en nee Hart transplanteert. 2015 muss he sück en Darmkrebsoperatschoon ünnertrecken. Enn’n Juni 2026 is Manfred Ritschel nah lang Krankheit storven.
Weblinks Manfred Ritschel in de Datenbank vun weltfussball.de Manfred Ritschel in de Datenbank vun fussballdaten.de Manfred Ritschel in de Datenbank vun kicker-online.de
Enkeld Nahwiesen
Kategorie:Mann Kategorie:Börger von Düütschland Kategorie:Boren 1946 Kategorie:Storven 2026 Kategorie:Footballnatschonalspeler (Düütschland) Kategorie:Footballtrainer