mini|Allan McLeod Cormack (1984)
Allan McLeod Cormack (* 23. Februar 1924 in Johannesburg, Süüdafrika; † 7. Mai 1998 in Winchester (Massachusetts), USA) weer en süüdafrikaansch-US-amerikaansch Physiker. He un Godfrey Hounsfield gellen as de (vunnaner unafhängigen) UtfinnerGisela Baumgart: Cormack, Allan McLeod. In: Werner E. Gerabek, Bernhard D. Haage, Gundolf Keil, Wolfgang Wegner (Hrsg.): Enzyklopädie Medizingeschichte. De Gruyter, Berlin/New York 2005, ISBN 3-11-015714-4, S. 273. vun de Computertomografie.
För hör Forschungen to de Computertomografie wurrn he un Hounsfield 1979 mit den Nobelpries för Physiologie oder Medizin uttekent.
Leven un Werdegang Cormack hett Physik an de Universität Kapstadt studeert un dat Studium 1944 as Bachelor of Sciences afslooten. Dor hett he ansluutend (1945) en Magisterafsluss in Kristallografie kreegen. He hett an de Universität Cambridge arbeit un kehr ansluutend weer nah Kapstadt torüch, wo he en Lehrupdrag kreeg. Wiels sien Tiet in Cambridge hett he de US-amerikaansch Physikstudentin Barbara Seavey kennen lehrt, de he later heiraadt hett.
Mit Seavey is he in de Vereenigte Staten utwannert. Nah en Studientiet an de Harvard-University hett he 1958 en Professur an de Tufts University antreeden. Ofschons sien Swoorpunkt de Deelkenphysik weer, hett he nebenbi up dat Rebeet vun de Röntgentechnologie arbeit un hett de theoretischen Grundlagen vun de Computertomografie entwickelt. De Ergevnisse wurrn 1963 un 1964 in dat Journal of Applied Physics apenlich maakt, funnen aber kien wiedere Beachtung, bit Hounsfield un sien Kollegen 1972 footend up disse beid Arbeiten dat eerste Computertomografiegerät baut hemm. För hör jewielige Errungenschapen kreegen Cormack un Hounsfield 1979 gemeensam den Nobelpries. 1967 wurr he Fellow vun de American Physical Society, 1980 Liddmaat vun de American Academy of Arts and Sciences, 1983 Liddmaat vun de National Academy of Sciences.
Cormack is 1998 mit 74 Johren an en Krebserkrankung storven.
Weblinks
Indrag up de Sieden vun den Nobelpries (engelsch)
Enkeld Nahwiesen
Kategorie:Mann Kategorie:Börger von Süüdafrika Kategorie:Börger von de USA Kategorie:Boren 1924 Kategorie:Storven 1998 Kategorie:Physiker Kategorie:Nobelpriesdräger (Medizin)