Curaçao ([], engelsch un ; ) is en rund 444 Quadratkilometer groot Eiland in de Karibik un en autonoom Land vun dat Königriek vun de Nedderlannen (tosommen mit de unbewahnt Nebeninsel Lütt Curaçao). Curaçao is een vun de dree ABC-Eilannen un somit Deel vun de karibisch Eilannen ünner den Wind (südliche Lütt Antillen), de geologisch to de südamerikaansch Kontinentalplaat hörrnn. Oofschons Curaçao Deel vun dat Königriek vun de Nedderlannen is, hörrt dat weder to de Europääsch Union noch to’n Schengen-Ruum. Curaçao is aber mit de Europääsch Union assozieert. Curaçao hett rund 160.000 Inwahner, gröttstendeel Papiamentu snackend Katholiken. Wiedere rund 145.000 Minschen ut Curaçao leven to Tiet in den Nedderlannen.
Curaçao is siet ungefähr 4000 v. Chr. besiedelt. En lütt Deel vun de hüdig Inwahner stammt vun de indigenen Arawak af. Siet 1499 is dat Eiland vun Europäern kolonialiseert. De meesten vun de Inwahner hüüd stammen vun ehemals vun den Europäern verslaavt Afrikanern af.
De Wertschap vun Curaçaos foot up Eerdööl, den Haben, Tourismus, Offshore-Banking un en beschränkten lokalen Produktschoon. Hööftstadt vun dat Land is Willemstad.
Geographie Dat Eiland is circa 60 km vun dat Fastland (nördlich von Venezuela un nordöstlich vun Kolumbien) weg. Westlich vun Curaçao liggt dat lütt Eiland Aruba, dat bit 1986 ebenfalls to de Nedderlannsch Antillen hörrn dee, östlich dorvan dat Eiland Bonaire. Tosommen mit de hörrt Curaçao geographisch to de Eilannen ünner den Wind. Südöstlich liggt Lütt Curaçao, en besünners bi Dükern anseggt unbewahnt Eiland, up dat blots en Lüchttoorn steiht.
Literatur Han Jordaan, The Curaçao Slave Market: From Asiento Trade to Free Trade, 1700–1730. In: Johannes Postma, Victor Enthoven (Hrsg.), Riches from Atlantic Commerce: Dutch Trans-Atlantic Trade and Shipping, 1585–1817. Leiden, Brill 2003, 219–257.
Weblinks
Website vun de Regeeren (Papiamentu un nedderlannsch)
Enkeld Nahwiesen
Kategorie:Land Kategorie:Eiland