rechts|duum|Jasper Stuyven (2018) mini|Jasper Stuyven bi de Tour de France 2016 mini|Stuyven (rechts) bi de Tour of Utah 2013 Jasper Stuyven (* 17. April 1992 in Löwen) is en belgisch Radrennfohrer. He gellt as Sprintspezialist in‘n Straatenradsport.
Sportlich Loopbahn Jasper Stuyven wurr 2009 in sien eerst Johr in de Juniorenklass Weltmeester in‘t Straatenrennen. In dat folgend Johr wunn he de Juniorenversion von Paris–Roubaix, Le Pavé de Roubaix un he weer bi en Deelstück vun de Driedaagse van Axel spoodriek. Bi de UCI-Straaten-Weltmeesterschapen vun de Junioren 2010 wunn heditmal de Bronzemedaille.
2012 kreeg he en Verdrag bi dat UCI Continental Team Bontrager, för de he een Deelstreck vun den Cascade Cycling Classic wunn. In de Saison 2013 kunn he de Gesamtwertung vun de Volta ao Alentejo as ok een Deelstreck bi de Tour de Beauce up sien Naam schrieven.
2014 is he to dat UCI WorldTeam Trek wesselt. För disse Mannschap wunn he 2015 bi de Vuelta a España trotz en Kahnbeenbröök in’n Massensprint de achte Deelstreck. Bi Kuurne–Brüssel–Kuurne 2016 reck he nah en Alleenfohrt över 17 km sien eersten Sieg in en internatschonal Eendagsrennen in de Eliteklass.
Stuyven wunn 2017 un 2018 jewiels een Deelstreck bi de BinckBank Tour. In disse Johren keem he ok eerstmals in’t Vörderfeld bi de Monument des Radsports: He wurr bi Paris–Roubaix 2017 un 2018 jewiels Fievt un bi de Flannern-Rundfahrt 2018 keem he up Platz 7..
In’n Laatsömmer 2019 wurr he Gesamtsieger vun de Düütschland Tour vör Sonny Colbrelli, Yves Lampaert, Alexei Luzenko, Diego Ulissi, Marc Hirschi, Jens Keukeleire un annern.
In’n Tweeersprint vör Yves Lampaert seker Stuyven sück 2020 bi den Halfklassiker Omloop Het Nieuwsblad sien eersten Spood in en Eendagsrennen vun de WorldTour.
Stuyven wunn Mailand–Sanremo 2021 dör en Angreep knapp dree Kiloter vör dat Teel un kunn sück knapp tegen de Verfolger dörsetten un schaff dormit den bit dorhen gröttsten Spood in sien Loopbahn. Bi de ansluutend Flannern-Rundohrtkeem he up Platz 4, ebenso as bi di Straaten-Weltmeesterschapen 2021.
2023 kunn he dat Kriterium Aix-en-Provence vör Christophe Laporte un Luke Rowe winnen.
Wat he schafft hett 2009 Weltmeester – Straaatenrennen (Junioren)
2010 Le Pavé de Roubaix Weltmeesterschap – Straaatenrennen (Junioren)
2013 Gesamtwertung un een Deelstreck Volta ao Alentejo een Deelstreck Tour de Beauce
2015 een Deelstreck Vuelta a España
2016 Kuurne–Brüssel–Kuurne
2017 Hammer Sprint Hammer Sportzone Limburg een Deelstreck BinckBank Tour
2018 een Deelstreck BinckBank Tour Grand Prix de Wallonie Grote Prijs Jef Scherens
2019 Gesamtwertung Düütschland Tour
2020 Omloop Het Nieuwsblad
2021 Mailand–Sanremo
2023 Aix-en-Provence
Weblinks
Offizielle Website Jasper Stuyven in de Datenbank vun ProCyclingStats.com Indrag bi Radsportseiten.net
Enkeld Nahwiesen
Kategorie:Radrennfohrer (Belgien) Kategorie:Börger von Belgien Kategorie:Boren 1992 Kategorie:Mann