Karl-Heinz Langer (* 1950 in Heid/Holsteen) is een Schauspeler, Speelbaas un Rezitator. Sien ünnerscheedlichen, meestendeels plattdüütschen, Programme un Lesungen stellt he bi Veranstaltungen in Norddüütschland vör.
Leven un Wirken Karl-Heinz Langer worr 1950 in Heid boren un is in Homaschen opwussen. An't End vun de negenteinsösstiger Johrn keem he dörch de Homascher Landjugend to dat Theoterspeelen. De Grupp övte jedet Johr een plattdüütschet Theoterstück för dat Arndankfest in un Karl-Heinz Langer öwernahm meestens een Hauptrull. Merrn in de negenteinsöbentiger Johrn keem he an de Nedderdüütsche Bühn in Kiel und weer dor lange Johrn Schauspeeler und Speelbaas, bevör he 1992 för tein Johr as Baas an de Nedderdüütsche Bühn in Preetz wesseln dee. Sietdem hett he an mehrere Theoter – ok op Hoochdüütsch – speelt un inszeneert.
Siet Midde de 1990er Johrn is Langer för den Plattdüütschen Lesekreis an de Volkshochschool Bordesholm-Wattenbek tostännig, vun 2008 an organiseerte he tosamen mit sien Ehefru Sonja de plattdüütschen Lesungen Platt op Gut Knoop. Mit den Musiker Rainer Schwarz hett Langer een Barg Programme mit musikalische und literarische Andeele utarbeitet. Alleen hölt he neven Lesungen, bi de dat üm plattdüütsche Geschichten un Besünnerheiten geiht, ok welke op Hoochdüütsch öwer Schriever wie Theodor Storm, Erich Kästner oder Joachim Ringelnatz af.
Langer engageert sik darför, Kinner Platt bitobringen, to'n Bispeel in Arbeitsgemeenschaften an de School oder bi den Wettbewarv Schöler leest Platt. För sien Insatz, de plattdüütsche Spraak to erholn un to pleegen, worr he 2018 vun Daniel Günther mit de Ehrennadel vun dat Land Schleswig-Holsteen uttekent.
Karl-Heinz Langer leevt in Bordesholm.
Nawiesen
Kategorie:Mann Kategorie:Börger von Düütschland Kategorie:Schauspeler Kategorie:Speelbaas Kategorie:Boren 1950