rechts|duum|Guy Edwards sien Hesketh 308D ut dat Johr 1976 Guy Richard Goronwy Edwards, QGM (* 30. Dezember 1942 in Macclesfield, Vereenigt Königriek; † 19. Juni 2026 in Connemara) weer en britisch Rennfohrer. In de Johren 1974 un 1976 hett he insgesamt elf Groot Priesen in de Formel 1 bestreeden, keem aber nie in de Punkteränge.
Karriere Bekannt wurr Guy Edwards vör allen as Levensretter vun Niki Lauda. Bi den Grooten Pries vun Düütschland 1976 up de Nordschleife gung Lauda sien Ferrari nah en Unfall in Flammen up. Tosommen mit Harald Ertl, Arturo Merzario un Brett Lunger hett Edwards den Verunglückten ut dat brennend Wrack befreet. För disse Tat wurr Edwards mit de Queen’s Gallantry Medal uttekent.
1978 wunn Edwards mit en vun RAM Racing insett March 781 twee Rennen vun de Aurora-AFX-Formel-1-Reeg. He weer achtmal bi dat 24-Stünnen-Rennen vun Le Mans an‘n Start. Sien best Platzeeren in de Gesamtwertung weer de veerte Rang 1985, den he up en Porsche 956C vun dat Team vun John Fitzpatrick infohren dee. Sien Partner weern David Hobbs un Jo Gartner.
Later hett Edwards sück up de Nahwussenarbeit konzentreert un hett jung Fohrer hulpen, dat se Sponsoren finnen deen.
Persönliches Guy Edwards sien 2013 tödlich verunglückt Söhn, Sean Edwards, weer ok Rennfohrer. In den Speelfilm Rush – Alles für den Sieg speel he 2013 sien Vader.
Literatur Christian Moity, Jean-Marc Teissèdre, Alain Bienvenu: 24 heures du Mans, 1923–1992. Éditions d’Art, Besançon 1992, ISBN 2-909413-06-3.
Weblinks
Guy Edwards bi Racing Sports Cars
Enkeld Nahwiesen
Kategorie:Mann Kategorie:Börger von Grootbritannien Kategorie:Boren 1942 Kategorie:Storven 2026 Kategorie:Formel-1-Rennfohrer