Ernst Noelle, ok Ernst Nölle, (* 11. April 1854 in Mülheim an der Ruhr; † 20. Dezember 1916 in Iserhatsche bi Bispingen) werr en düütscher Ünnernehmer.
Leven Ernst Noelle is in'n Ruhrgebiet ranwassen un is över de Stahlhannel Thyssen to Berlin kamen. 1893 weer he de Grünner un Mitinhebber bi Steffens & Nölle, de 1907 in en Aktiensellschapp umwandelt wurrn.
En vun Noelles gode Daden weer, dat he de Karkfinstern för de Grunewaldkark as ok de Wiehnachtsboom för de Wiehnachtsgottsdeensten spenndt hett. De sös Antikglasfinster, op denen Glasmalereen vun Platen un Dekoratschoonen to sehn weern, wurrn bi en Luftangreep in'n März 1943 tonichtmaakt. duum|Villa Noelle in Berlin-Grunewald Na de Bo vun wölk Hüüs in Berlin-Grunewald köfft he an'n 14. September 1899 vun den Fabrikanten Franz Pietschmann en 9000 m² grootes Grundstück an de Dianasee, Winkler Straat 8/10. Vun de Architekten Hermann Solf un Franz Wichards ut Berlin hett he vun 1901 to 1902 dort en Villa – Huus Nölle – boen latten, in de he mit sien Fru un sien fiev Kinnern intog. 1920 hebben sien Enkels dat Huus verköppt. (Schoolprojekt) op de Netsieden vun de Grunewald-School, tolest opropen an'n 29. Jänner 2014.
Bi Bispingen in de Lümbörger Heid hett Ernst Noelle 1913 dat Jagdhuus Iserhatsche opbuen latten.
Vör sien wolldädigen Stiftungen weer he mit de Ehrentitel vun en preuß'sch Kommerzienrats utzeichnet.
En vun sien fiev Kinner weer Generaldirekter bi de Berliner Tobis-Filmgesellschaft. Een Enkeldochter weer de Meenungsforscherin Elisabeth Noelle-Neumann.
Enkelnachwees
Kategorie:Mann Kategorie:Boren 1854 Kategorie:Storven 1916 Kategorie:Börger von Düütschland Kategorie:Ünnernehmer