Jacques-Henri Marie Sabin Laffite (* 21. November 1943 in Paris) is en ehmalger franzöösch Automobilrennfohrer, de van 1974 bit 1986 in de Formel 1 fohren is. In 176 Grand-Prix-Rennen hett he sössmal wunnen, reck söben Pole-Positions as ok 228 Weltmeesterschapspunkte. Van 1979 bit 1981 wurr he jewiels Veert vun de Fohrerweltmeesterschap. Laffite weer buterdem Sportwagenfohrer; 1975 wunn he gemeensam mit Arturo Merzario in en Alfa Romeo 33TT12 dat 1000-km-Rennen up den Nürburgring. Ferner fohr he in de DTM un de FIA GT3-Europameesterschap Rennen.
Jacques Laffite is verheiraadt mit Bernadette un hett twee Döchter mit Naam Camille un Marguerite; Letztere is ebenfalls Rennfohrerin.
Kindheit un Jöögd Laffite is as Söhn vun en Afkaat in Paris upwussen. Sien Kindheit verbroch he in de Welt vun de franzöösch Böverschicht un hett goot Scholen besöcht. Sien Interessen wurrn vun den Sport bestimmt. He wurr gau to en gooden Tennisspeler, Skifohrer un Schöfelloper. In‘n Winter vun dat Johr 1958 hett he sien lateren Schwager Jean-Pierre Jabouille kennen lehrt. Beid hemm wenig later gemeensam ehrn Militärdeenst bestreeden. Sluutend weer dat Jabouille, de anfung, sück för den Motorsport to begeistern. Laffite is to’n Anfang mehr ut Sympathie mittrucken.
Nahdem sien Abiturprüfung scheef gahn weer, hett Laffite as Mechaniker vun sien Früend Jabouille arbeit. Ahn groot mechanisch Kenntnisse hemm Jabouille un Laffite dat immer weer schafft, hör Auto to’n Lopen to bringen. Betahlt hemm se dat all immer sülvst.
Loopbahn Eerst in dat Öller vun 30 Johren geev Jacques Laffite sien Debüt 1974 an‘n Nürburgring in de Formel 1 mit dat Team Frank Williams Racing Cars.
1976 is he för dat Team vun Guy Ligier antreeden. Bit to den achten Weltmeesterschapsloop 1977, in dat sweedsch Anderstorp, harr he noch kien een WM-Punkt haalt. In Anderstorp aber wunn he unverwacht sien eerst Formel-1-Grand-Prix vör Jochen Mass, Carlos Reutemann, Patrick Depailler un annern, wat hüm un dat Team Ligier in Frankriek to groot Popularität verhulp.
In dat britisch Brands Hatch hett Laffite 1986 sien 176. Grand Prix bestreeden un hett den dormals aktuellen Rekord vun Graham Hill för de meesten Grand-Prix-Rennen instellt. Bi den Start vun dat Rennen wurr he aber in en Kollision verwickelt, sien Ligier is frontal in en Eerdwall neben de Streck inslahn. De vördere Beriek vun dat Auto wurr swoor beschädigt, so dat sück Laffite swoor Beenbröök un en komplizeerten Beckenbröök totruck. Dat düer över en half Johr, bit he weer gesund weer, so dat sien Formel-1-Karriere unverwacht to Enn’n weer.
Laffite is in sien 13-johrig Loopbahn blots för twee Teams fohren, insgesamt veer Johr för Williams un negen Johr för Ligier, mit den he all söss Rennen wunnen hett. Weltmeester is he nie nich wurrn, liekers fohr he johrenlang an de Tipp vun de Formel 1. Laffite bleev wiels sien lang Karriere de Spaßvögel un de levensfroh, vitale Mann, as de he all in de Formel 1 sien Debüt geev. Laffite hett dat Leven vull un ganz leevt un weer liekers sien anboren Lichtigkeit en bannig professioneller un konkurrenzfähiger Rennfohrer.
Literatur Oliver Buss unter anderem: Rennsport – Geschichte, Nr. 72, 1999 Gerhard Melchert unter anderem: Formel 1 History, Martin Kelter Verlag, Hamburg 2002
Weblinks
Jacques Laffite bi Racing Sports Cars Jacques Laffite bi Stats F1
Kategorie:Mann Kategorie:Börger von Frankriek Kategorie:Boren 1943 Kategorie:Formel-1-Rennfohrer