William Robert Ogilvie-Grant (Easter Elchies, Moray (Skotlân), 25 maart 1863 – Farley Cottage, by Reading (Ingelân), 26 july 1924) wie in Skotske ornitolooch.
Jonkheid en oplieding Grant waard berne op 25 maart 1863 as de twadde soan fan kaptein George Henry Essex Ogilvy-Grant (fan Easter Elchies, Craigellachie, Skotlân, fan it 42e rezjimint Highlanders), de sechsde soan fan Francis Ogilvy-Grant, 6e greve fan Seafield, Debrett's Peerage and Baronetage, 146th edition, ed. Charles Kidd, David Williamson, Debrett's Peerage Ltd, 2000, s. 1494 en in dochter fan Sir William Gordon-Cumming, 2e baronet. Ogilvie-Grant folge syn oplieding oan it Fettes College yn Edinburgh, dêr't er soölogy en anatomy studearre. Hy studearre ek oan de Cargilfield Preparatory School.
Karriêre Yn 1882 waard er assistint by it Natoerhistoarysk Museum yn Londen. Hy studearre ichtyology ûnder lieding fan Albert C.L.G. Günther en yn 1885 krige er tydlik de lieding oer de ôfdieling fûgelkunde, wylst Richard Bowdler Sharpe in reis nei Yndia makke. Hy bleau oan dy ôfdieling ferbûn en waard úteinlik konservator fan de fûgelkolleksje (fan 1909 oant 1918).
Hy folge Bowdler Sharpe ek op as redakteur fan it Bulletin of the British Ornithologists' Club, in funksje dy't er fan 1904 oant 1914 beklaaide.
Ogilvie-Grant naam it inisjatyf ta de earste fan de Ruwenzori-ekspedysjes fan it British Museum yn 1905-1906. Hy makke ek sels in soad ekspedysjes om eksimplaren te sammeljen, benammen nei Sokotra, Madeira en de Kanaryske Eilannen.
Yn 1916, yn de Earste Wrâldoarloch, wie er mei in rezjimint frijwillige soldaten yn Londen dwaande oan ferdigeningswurken om de stêd hinne. Dêrby krige er in sinnestek dy't der úteinlik ta late dat er diels ferlamme rekke. Hy knapte mar foar in part op en moast yn 1918 al syn wurksumheden beëinigje. Dêrnei libbe er tige op himsels yn Reading, dêr't er yn 1924 ferstoar.
Op de IOC World Bird List stean 88 fûgelsoarten dy't troch him fan in namme en beskriuwing foarsjoen binne.
Publikaasjes (kar-út) 1889 - On the genus Platalea, with description of a new species from New Guinea. Ibis: 32-58 1893 - Notes on the changes of plumage in the Red Grouse (Lagopus scoticus). Annals & Magazine of Natural History ser. 6, 12: 61-65 1896 - On the Birds observed at the Salvage Islands near Madeira. Ibis: 41-55 1898 - Catalogue of the Steganopodes. Catalogue of the Birds in the British Museum 26: 329-688 BHL 1899 - Descriptions of seven new species from the interior of Hainan. Ibis: 584-587 1899 - The Expedition to Sokotra IV. Descriptions of three new species of butterflies – Bulletin of the Liverpool Museums 1903 - Arthropoda. Insecta: Lepidoptera - I. Rhopalocera. In: H.O. Forbes: Natural history of Sokotra and Abd-el-Kuri: being the report upon the results of the conjoint expedition to these islands in 1898-9, by Mr. W.R. Ogilvie-Grant, of the British Museum, and Dr. H.O. Forbes, of the Liverpool Museums, together with information from other available sources, forming a monograph of the islands – Bulletin of the Liverpool Museums 1905 - 0n the Display of the Lesser Bird-of-Paradise (Paradisea minor). Ibis: 429-440 1909 - On a new species of Bush Quail (Microperdix inglisi) from Assam. Journal of the Bombay Natural History Society 19: 1-3 1913 - Notes on the Birds collected by the B.O.U. Expedition to Dutch New Guinea. Ibis: 76-113 1913 - Exhibition and description of a new subspecies of Grosbeak, Rhynchostruthus percivali yemenensis, from the mountains of S. Yemen – Bulletin of the British Ornithologists' Club 1914 - Report of a new race of Palm Dove – Bulletin of the British Ornithologists' Club 1915 - Report on the Birds collected by the British Ornithologists’ Union Expedition in Dutch New Guinea. Ibis, Jubilee Supplement No. 2: 1-329
Kategory:Skotsk ornitolooch Kategory:Skotsk soölooch Kategory:Skotsk publisist Kategory:Persoan berne yn 1863 Kategory:Persoan stoarn yn 1924