Stedesand (Noardfrysk: Stääsönj; Deensk: Stedesand) is in plak en gemeente yn 'e Dútske dielsteat Sleeswyk-Holstein yn 'e kreis Noard-Fryslân. Stedesand makket diel út fan it amt Südtondern en hat 879 ynwenners (2024).
Skiednis en Polders De tsjerke fan Stedesand waard nei alle gedachten yn 'e 16e iuw boud. De hjoeddeiske alterfoarstelling is in wurk fan Carl Ludwig Jessen.
De Störtewerkerpolder (Noardfrysk: Störtewärkskuuch; Deensk: Størteværkkog) leit yn it suden fan 'e gemeente en grinzget oan 'e Soholmer Au. De yndiking fan dizze polder waard yn it jier 1544 foltôge. Yn 'e midden fan 'e polder leit de eardere hallig Trollebüll. De namme fan 'e polder ferwiist nei de Störtewerker, de dykarbeiders dy't de polder mei de hân bedike hawwe. Yn 'e polder stiet oan 'e ôfbûging fan 'e Trollebüller Weg fan 'e Klinkerstraße in monumint ta neitins oan 'e histoaryske stoarmfloeden.
De âlde Kirchspielslandgemeinde Enge, dêr't Stedesand oant dy tiid bestjoerlik ûnder foel, waard yn 1934 opdield yn ferskate lytse, selsstannige doarpsgemeenten en sa ek Stedesand.
Kategory:Gemeente yn Sleeswyk-Holstein Kategory:Plak yn Sleeswyk-Holstein Kategory:Bestjoerlike ienheid oprjochte yn 1934