Die Suurbergbroodboom (Encephalartos longifolius) is 'n spesie van die genus Encephalartos.
Verspreidingsgebied Die spesie is endemies aan Suid-Afrika. Dit kom oor 'n wye gebied voor, dit begin wes van Joubertina in die Kougaberge tot by die Suuranysberge. Dit kom ook in die oostelike deel van die Baviaanskloofberge, die Elandsberg asook gedeeltes van die Groot-Winterhoekberge voor. Daar is ook populasies in die Klein-Winterhoekberge, die Suurberge en verder oos tot in die Grahamstad-distrik.
Die boom word vanaf 200 tot 1 500 m bo seevlak aangetref. Die jaarlikse reënval in die gebied waar dit voorkom wissel van 300 tot 1 250 mm.
Identifikasie duimnael|links|260px|Vroulike eksemplaar in die Suurberge Hierdie boom en Encephalartos afer is reeds in 1772 geïdentifiseer deur Carl Peter Thunberg.
Die plant word tot 4,5 m hoog. Die boom is eenslagtig: manlike en vroulike plante is afsonderlike eksemplare. Die plant is gewild onder tuiniers en word bedreig deur onwettige verwydering (diefstal) uit hulle natuurlike omgewing.
Die boom se FSA-nommer is 9.https://www.treetags.co.za/national-list-of-indigenous-trees/ In Engels staan die broodboom as die Suurberg cycad bekend.
Sien ook Alfabetiese lys van Suid-Afrikaanse bome
Verwysings
Bronne PZA Sanbi REDLIST Sanbi Plants of the World Online
Kategorie:Bome van Afrika Kategorie:Broodbome Kategorie:Flora van Suid-Afrika Kategorie:Endemiese plante van Suid-Afrika