Sven Magnus Øen Carlsen (gebore op 30 November 1990) is 'n Noorse skaakspeler en die huidige wêreldkampioen. Sy beste gradering van 2882, wat hy in 2014 bereik het, is die hoogste in die geskiedenis van skaak. Carlsen het die wêreldkampioenskap in 2013, 2014, 2016, 2018 en 2021 gewen.
Kinderdae Carlsen is op 30 November 1990 in Tønsberg, Noorweë, gebore. Sy moeder was Sigrun Øen, 'n chemiese ingenieur, en sy vader Henrik Albert Carlsen, 'n IT-konsultant.
Hy het drie susters, en in 2010 het hy gesê dat een van die dinge wat hom gemotiveer het om skaakspeel ernstig te beoefen, die begeerte was om sy oudste suster te kon klop. As skaakwonderkind het hy in 2002 gelykgespeel vir eerste plek in die Wêreld-onder-12 skaakkampioenskap.
Carlsen was bekend vir sy aanvallende styl as 'n tiener, maar het sedertdien tot 'n universele speler ontwikkel. Hy gebruik 'n verskeidenheid openings om dit vir sy teenstanders moeiliker te maak om voor te berei en ook die effek van rekenaaranalise te verminder.
Wêreldkampioen Hy het in 2013 die wêreldkampioen geword nadat hy Viswanathan Anand verslaan het. In 2014 het hy Anand weer verslaan, en ook die jaar se blitsskaak-wêreldkampioenskap gewen. In 2016 het hy sy titel teen Sergey Karjakin verdedig. In 2018 het hy Fabiano Caruana geklop.
Boeke en films Valaker, O; Carlsen, M. (2004). Lær sjakk med Magnus [Learn Chess with Magnus]. Gyldendal Norsk Forlag. . The Prince of Chess, a film about Magnus Carlsen (2005). Directed by Øyvind Asbjørnsen. Opedal, Hallgeir (2011). Smarte trekk. Magnus Carlsen: Verdens beste sjakkspiller [Smart Moves. Magnus Carlsen: The World's Best Chess Player]. Kagge. Mikhalchishin, Adrian; Stetsko, Oleg. (2012). Fighting Chess with Magnus Carlsen (Progress in Chess). Edition Olms. . Crouch, Colin (2013). Magnus Force: How Carlsen Beat Kasparov's Record. Everyman Chess. . Kotronias, Vassilios & Logothetis, Sotiris (2013). Carlsen's assault on the throne. Quality Chess. . Magnus (2016). Directed by Benjamin Ree.
Verwysings
Kategorie:Noorse sportlui Kategorie:Skaakspelers Kategorie:Geboortes in 1990 Kategorie:Lewende mense