Die edelvalk (Falco biarmicus) is 'n roofvoël in die familie Falconidae. Die wetenskaplike naam biarmicus kan vertaal word as "twee keer bewapen". Dit verwys na die skerp punte op die edelvalk se snawel.
Beskrywing Die edelvalk is 'n groot valk, ongeveer 43–50 cm lank met 'n vlerkspan van 95–105 cm. Die Europese edelvalke (Falco biarmicus feldeggi) het 'n leiklip- of bruingrys rugkant. Die meeste edelvalke in Afrika het 'n ligter blougrys rug. Die geslagte lyk eenders maar onvolwasse edelvalke is bruiner van kleur.
Gewoontes Die edelvalk kom meestal in bergdele, woestyne en grasvlaktes voor. Dit vermy woudagtige streke. Die edelvalk jag in 'n horisontale vlugpad, in teenstelling met die swerfvalk wat in 'n duikvlug jag. Die edelvalk verkry sy prooi (meestal voëls) in vlug. Dit lê 3 tot 4 eiers op 'n kranslys of soms in 'n ou stoknes in 'n boom.
Hulle word suksesvol in gevangenskap geteel, waar verbastering met die swerfvalk soms voorkom.
Subspesies duimnael|links|Volwasse Falco biarmicus feldeggi duimnael|links|Eiers van Falco biarmicus feldeggii
Daar is vyf erkende subspesies: F. b. biarmicus Temminck, 1825 – die nominaatsubspesie word van die Demokratiese Republiek van die Kongo tot in suidelike Kenia en suidwaarts tot in Suid-Afrika aangetref F. b. feldeggii Schlegel, 1843 – Italië tot Turkye, Azerbeidjan en noordwestelike Iran F. b. tanypterus Schlegel, 1843 – noordoostelike Afrika tot Arabië, Israel en Irak F. b. erlangeri Kleinschmidt, O., 1901 – noordwestelike Afrika F. b. abyssinicus Neumann, 1904 – suidelike Mauritanië tot in Ethiopië en Somalië, en suidwaarts tot in Kameroen en noordelike Kenia
Sien ook Alfabetiese lys van Suid-Afrikaanse voëls Lys van Suid-Afrikaanse voëls (gegroepeer) Lys van Suider-Afrikaanse voëls volgens wetenskaplike name
Verwysings
Eksterne skakels http://avibase.bsc-eoc.org/species.jsp?lang=EN&avibaseid=3D3808E38BB61165
Kategorie:Roofvoëls Kategorie:Valke