Die Rooibergdam is ‘n besproeiingsdam in die Hartbeesrivier by Kenhardt.
Ligging Hierdie dam is 9 km suidoos van die dorp geleë, by 29° 24′ 58″ suid en 21° 12′ 4′ oos. ‘n Ander dam in die rivier is die Vanwyksvleidam. In die Sakrivier is die Brandvleidam. Hierdie is ook die omgewing bekend as die Kalahari-pannestreek.
Afmetings Die wal is 640 m lank en 7 m hoog met ‘n aanvanklike bakmaat van 5 miljoen m³. Dit het ‘n opvanggebied van 93 000 km² en dit verskaf water aan 300 ha. Omdat die rivier baie ongereeld vloei, is die dam dikwels droog. Vloede soos in Maart en April 1961 kom wel voor. Toe is selfs gevrees dat die wal kon breek.
Geskiedenis Reeds in 1898 is die eerste dam op hierdie plek gebou. Weens swak vakmanskap het die damwal in Maart 1900 meegegee.
Verwysings
Bibliografie KENHARDT VISITOR'S GUIDE | Rooiberg dam. Pragtig Kenhardt Rooiberg Dam Raptor 700
Kategorie:Damme van Suid-Afrika Kategorie:Noord-Kaap