Alfa Romeo F1 ferwiist nei Alfa Romeo syn Formule 1-aktiviteiten as konstrukteur en motorbouwer. De Italjaanske fabrikant wie by de start fan it wrâldkampioenskip yn 1950 de dominante ploech mei de Alfetta 158. Nino Farina en Juan Manuel Fangio waarden yn 1950 en 1951 de earste twa Formule 1-wrâldkampioenen.
De Alfetta-perioade By de Grutte Priis fan Grut-Brittanje 1950, de earste WK-race, einige Alfa Romeo mei Farina, Fangio en Luigi Fagioli op de earste trije plakken. Farina pakte de titel yn 1950 en Fangio die dat yn 1951. Nei it seizoen 1951 luts Alfa Romeo de wurkploech werom. De lêste WK-oerwinning fan it merk as eigen konstrukteur wie Fangio syn oerwinning yn Spanje yn 1951.
Weromkomst en nammesponsoring Autodelta brocht Alfa Romeo yn 1979 wer as wurkploech werom. Dy twadde perioade, oant en mei 1985, brocht gjin oerwinnings of titels. Alfa levere yn deselde tiid ek motoren oan oare teams, lykas Brabham en Osella. Fan 2019 oant 2023 ried de Sauber-organisaasje ûnder de namme Alfa Romeo. Dat wie in kommersjele merkgearwurking: Sauber boude it chassis en brûkte Ferrari-motoren; it wie dus net in nije Alfa Romeo-wurkploech.
Sjoch ek Formule 1 Sauber F1 Scuderia Ferrari
Boarnen
Kategory:Formule 1 Kategory:Organisaasje oprjochte yn 1950 Kategory:Organisaasje opheft yn 1951 Kategory:Organisaasje oprjochte yn 1979 Kategory:Organisaasje opheft yn 1985