Minardi F1 wie in lytse Italjaanske Formule 1-ploech út Faenza, oprjochte troch Giancarlo Minardi. De organisaasje bestie sûnt 1979 en ried fan 1985 oant en mei 2005 yn de Formule 1. Minardi hie in lyts budzjet, mar waard tige wurdearre om syn tagonklikens en om de kânsen dy't de ploech oan jong talint joech.
Skiednis Minardi ried mei in soad ferskillende motoren, fan Motori Moderni en Ford oant Ferrari, Lamborghini en Hart. De ploech wûn nea in race of poadiumplak, mar skoarde 38 WK-punten. De bêste raceklassifikaasje wie in fjirde plak: Pierluigi Martini helle dat yn 1991 twa kear, en Christian Fittipaldi yn 1993. Martini sette by de Grutte Priis fan de Feriene Steaten 1990 de iennige Minardi op de earste startrige, mei de twadde kwalifikaasjetiid.
Ferskate letter bekende koereurs makken by Minardi harren F1-debút of rieden der in iere faze fan harren karriêre, ûnder oaren Giancarlo Fisichella, Fernando Alonso, Mark Webber en Jarno Trulli. Yn 2001 kocht de Australyske sakeman Paul Stoddart de ploech. Yn 2005 ferkocht er har oan Red Bull GmbH, dat de basis yn Faenza yn 2006 as Scuderia Toro Rosso trochsette.
Sjoch ek Formule 1 Scuderia Toro Rosso Scuderia AlphaTauri
Boarnen
Kategory:Formule 1 Kategory:Organisaasje oprjochte yn 1979 Kategory:Organisaasje opheft yn 2005