Jordan F1, offisjeel Jordan Grand Prix, wie in Formule 1-ploech fan de Ierske ûndernimmer en eardere koereur Eddie Jordan. De ploech wie fêstige yn Silverstone, mar ried mei in Ierske lisinsje. Jordan kaam yn 1991 yn de Formule 1 en wie oant 2005 aktyf.
Skiednis De ploech wie al yn de Formule 3 en de Formule 3000 suksesfol. Yn de F1 makke Michael Schumacher by Jordan syn debút yn de Grutte Priis fan Belgje 1991. De earste oerwinning kaam yn de wiete Grutte Priis fan Belgje 1998, doe't Damon Hill wûn foar Ralf Schumacher; it wie in opfallende ien-twa foar de ûnderdogploech. Yn 1999 wûn Heinz-Harald Frentzen de Grutte Prizen fan Frankryk en Itaalje en waard Jordan tredde by de konstrukteurs.
De lêste oerwinning wie fan Giancarlo Fisichella by de Grutte Priis fan Brazylje 2003. Fanwegen finansjele problemen waard Jordan yn 2005 oan Midland Group ferkocht. De ploech ried yn 2006 as Midland, yn 2007 as Spyker en dêrnei as Force India F1. De technyske en organisatoriske stambeam giet fia Racing Point troch nei Aston Martin F1 Team.
Sjoch ek Formule 1 Force India F1 Toyota F1
Boarnen
Kategory:Formule 1 Kategory:Organisaasje oprjochte yn 1991 Kategory:Organisaasje opheft yn 2005