Vysjni Volotsjok (Russysk: Вышний Волочёк) is in stêd yn 'e Russyske oblast Tver. De stêd leit oan 'e rivier de Tsna, op 'e skieding fan 'e streamgebieten fan 'e Wolga en de Eastsee. Fanwegen it grutte tal kanalen en wetterwegen wurdt de stêd ek wol it "Feneesje fan it Noarden" neamd.
Skiednis thgumb|thumb|left|De stêd op in ansichtkaart út likernôch 1900. De namme fan 'e stêd betsjut letterlik "it boppeste lânferfierplak". Dat ferwiist nei it plak dêr't skippen oer it lân lutsen waarden tusken de rivieren de Tsna en de Tvertsa. De earste fermelding fan it plak stammet út 1437.
Under tsaar Peter de Grutte waard yn 1703 it earste kanaal fan Ruslân groeven by Vysjni Volotsjok. Dat kanaal ferbûn de nije haadstêd Sint-Petersburch mei de Wolga en it binnenlân fan Ruslân. Troch dizze strategyske lizzing groeide it plak út ta in wichtich hannelssintrum en krige it yn 1770 stedsrjochten fan Katarina de Grutte.
Ekonomy en ferfier Vysjni Volotsjok leit oan de wichtige ferbiningen tusken Moskou en Sint-Petersburch, nammentlik de autowei M-10 en de spoarline dy't beide stêden ferbynt. De ekonomy fan 'e stêd bestiet benammen út tekstylindustry, glêsfabriken en houtferwurking. It glêsfabryk "Boltsjinski", oprjochte yn 'e 19e iuw, wie ferneamd om syn artistyk glêswurk.
Untwikkeling befolking Jier 1825 1840 1856 1917 1931 1959 1970 1982 Ynwenners 7176 8782 8340 24816 37600 66360 73688 71000Jier 1992 2000 2010 2021Ynwenners 64300 59700 52370 45830
Kultuer en besjenswaardichheden De stêd hat in soad histoaryske gebouwen út de 18e en 19e iuw bewarre. thumb|left|Kazankleaster. De Epifanykatedraal datearret út 1810-1814. De Sint-Nikolaastsjerke út 1881. It tsjerkekompleks fan it 19e-iuwske Kazankleaster yn Russysk-Byzantynske styl. De histoaryske kanalen en slûzen dy't noch jimmeroan troch de stêd rinne. It stedske dramateater, ien fan 'e âldste teäters yn 'e Russyske provinsje.
Berne yn Vysjni Volotsjok Sergej Aleksandrovitsj Kûssevitski (1874–1951), Russysk-Amerikaansk dirigint, komponist en kontrabassist.
Kategory:Plak yn Jeropeesk Ruslân Kategory:Tver (oblast) Kategory:Plak stifte yn de 15e iuw