Johannes Hessel (Joop) Bierma (Sint-Jabik, 13 maart 1962) is in earder Frysk keatser en winner fan it klaverke Fjouwer.
Bierma helle 162 punten foar it ivich keatsklassemint. Doe't er sechstjin jier âld wie wûn Joop foar de keatsferiening Het Noorden út Sint-Jabik de Freulepartij yn Wommels en mocht it tradisjonele gouden horloazje yn ûntfangst nimme. Fjouwer jier letter, yn 1982, wûn er de Jong Nederlânpartij en as klap op de fjoerpylk ek de Bûnspartij foar Senioaren. Yn 1989 wûn er mei Sake Porte fan Froubuorren en Hotse Rusticus fan Marsum de PC. Joop Bierma waard ta kening útroppen.
Nei dy oerwinning wûn Bierma net in protte prizen mear, nettsjinsteande dat hy mei deselde maten fan 1989 de twadde priis op de PC fan 1990 wûn. Yn 1991 krige er op in gure keatsdei yn Rie lêst fan in blessuere, dêr't er fierder it hiele seizoen lêst fan ûnderfine soe. Ek de stúdzje Masineboukunde yn Ynskedee, it op en del nei Twinte reizgjen wie net befoarderlik foar it beoefenjen fan de keatssport. Yn 1992 hong er de keatswant oan 'e wylgen nei't er lêst krige fan in ûnwillige spier yn 'e rêch.
Prizen 1977 - Freule 2e priis 1976 - Freule 4e priis 1978 - Freule 1e priis 1981 - Jong Nederlân 3e priis 1982 - Jong Nederlân 1e priis 1982 - de Bond 1e priis 1983 - Jong Nederlân 1e priis 1984 - de Bond 2e priis 1986 - de Bond 9e priis 1987 - PC 2e priis 1989 - PC 1e priis 1990 - PC 2e priis
Kategory:Frysk keatser Kategory:PC kening Kategory:Biltsk persoan Kategory:Persoan berne yn Sint-Jabik Kategory:Persoan berne yn 1962