De oblast Brjansk (Russysk: Брянская область; Brjanskaja oblast) is in oblast yn it súdwesten fan Ruslân. De oblast waard op 5 july 1944 oprjochte en grinzget oan de Oekraïne en Wyt-Ruslân.
Geografy De oblast grinzget oan de oblasten Smolensk (yn it noarden), Kalûga (yn it noardeasten), Orjol (yn it easten), Koersk (yn it súdeasten) en oan de lânsgrinzen fan de Oekraïne (yn it suden) en Wyt-Ruslân (yn it westen). thumb|left|Natoergebiet Brjanski Les (rajon Sûzemka) De oblast leit yn de Easteuropeeske Leechflakte op de skieding fan it Desna- en Wolgabekken. De belangrykste rivier is de Desna, dy't yn 'e Dnjepr mûnet. Oare grutte rivieren binne de Bolva, Navlja, Nerûssa en Sûdost, allegear sydrivieren fan de Desna. Mei-inoar streame der 125 rivieren troch de oblast. Yn 'e oblast lizze 49 marren.
De oblast hat in soad bosk en yn de Twadde Wrâldkriich wiene dy bosken de basis fan de partisanen. Troch de kearnramp yn Tsjernobyl waard de regio slim troffen troch radio-aktiviteit. De wâld- en turfbrannen yn 2010 yn Ruslân troffen ek in pear besmette gebieten yn de oblast Brjansk.
It klimaat is tuskenbeide kontinintaal. De trochsneed temperatuer yn jannewaris is -7 oant -9 ° C en yn july 18 oant 19 ° C.
Yn de oblast wurdt turf, sân, klaai, kryt, mergel en oare boumaterialen lykas fosforyt fûn.
Yn it natoergebiet Brjanski Les komt noch in lytse populaasje Europeeske bizons foar.
Skiednis Yn augustus 1941 besetten Dútske troepen it gebiet fan de tsjintwurdige oblast. Sûnt it begjin wie it ferset yn it gebiet tsjin de besetting foars; likernôch 60.000 partisanen fochten mei de besetter, itjinge resultearre yn de ferneatiging fan in soad doarpen, hûzen en fabriken. Nei de befrijing troch it Reade Leger yn augustus en septimber 1943 waard útein set mei restauraasje. De oblast Brjansk waard nei in rige gebietsherfoarmings yn de Sovjet-tiid lang om let op 5 july 1944 oprjochte.
Ekonomy Masjinebou en glêsprodukje binne belangryk yn de regio, wylst de tylt fan nôt en ierappels en it hâlden fan fee belangryk yn 'e lânbou binne. Likernôch de helte fan de tige goede grûn wurdt brûkt foar de lânbou. In tredde fan it gebiet bestiet út bosk. Troch de oblast rinne twa oalje- en seis gaspiiplinen.
Bestoerlike yndieling en stêden De oblast is ferdield yn 6 stedsdistrikten en 27 rajon's. De grutste stêden binne, njonken de haadstêd Brjansk, Klintsi en Novozybkov. Mei-inoar binne der 16 stêden en 24 plakken mei in stedsk karakter.
+ Grutste stêden Namme Russysk Ynwenners Ynwennertallen binne ôfkomstich fan it Russyske lemma oer it plak; oproppen 9 july 2022 Wapen Lokaasje Brjansk Брянск 396.343 (2022) 40px Klinzy Клинцы 62.704 (2021) 40px Novosybkov Новозыбков 39.449 (2022) 40px Djatkovo Дятьково 25.839[ (2021) 40px Unetsja Унеча 22.565 (2021) 40px
Kategory:Bestjoerlike ienheid oprjochte yn 1944