De Wylgen is in doarp west fan Drachten yn de gemeente Smellingerlân.
De Wylgen hat ()https://opendata.cbs.nl/statline ynwenners.
Skiednis De Wylgen wie oant 1955 in buorskip en in tsjerke hat it doarp nea hân. Foar de reformaasje hearde it tsjerklik by Smelle Ie, dêr't it kleaster stie, en letter by Boarnburgum.
Yn 1672 wie de Republyk yn oarloch mei Frankryk, Ingelân, Münster en Keulen. Yn dat jier teach in leger soldaten fan de biskop fan Münster troch Smellingerlân op nei Ljouwert. Mar dat waard op Sumarreheide troch mannen fan Fan Aylva opwachte. De soldaten fan Münster ferspraten harren nei de nederlaach en swalken plonderjend troch it gebiet. Oan 'e ein fan de Biskopswei, by de Poalsbrêge oer de Drait, doe in furde troch it rivierke, kamen ek soldaten oan, mar hja waarden dêr opwachte. By de striid waarden trije soldaten ombrocht, dy't dêr begroeven waarden. Alhoewol't it soldaten wiene dy't dêr omkamen waarden de grêven bekend as biskopsgrêven. Geschiedenis van Smallingerland, J.J. Spahr van der Hoek, ISBN 90 70 010 48 8, side 23/24 thumb|left|Brêge tusken de Hoptunen en de Broekfinne Troch fergrizing en gjin nijbou sakke it ynwennertal nei de Twadde Wrâldkriich bot. Dat feroare mei de oanlis fan de De Sâning, in tige royaal opsette fillawyk oan de noardeastlike kant fan it âlde doarp mei frijsteande hûzen op grutte kavels oan it wetter. De Sâning waard tusken 1996 en 2002 oanlein en wurdt fan in griene sône mei wetter skieden fan it âlde doarp. Oarspronklik foel de grûn fan de nijbouwyk by Smelle Ie, mar yn it ramt fan it plan waard in grinskorreksje útfierd en kaam it by De Wylgen.
Mienskip De Wylgen hat in mienskiplik doarpsbelang mei Smelle Ie en it buorskip Bûtenstfallaat, dat formeel by Drachten heart. Ek de flagge en it wapen fan de twa doarpen binne mienskiplik.
Ferienings Kanoferiening Roeiferiening Toanielferiening De Wylgen Befolkingsferrin Jier 1840 1959 1964 1969 1974 2004 2012 2015 2020 Ynwenners 150 348 313 282 281 850 688 662 657
Ynfrastruktuer
Bustsjinst Troch De Wylgen rint de folgjende busline:
Line 23: It Hearrenfean - Drachten fia De Tynje
De busline troch De Wylgen wurdt fersoarge troch Qbuzz.
Strjitten thumb|left|Broekfinne Biskopswei - Bernhard fan Galen Broekfinne De Heide De Trisken - buorskip De Trisken Drachtster Heawei Hoptunen Mûntseleane Nachtlân
Ferskaat Skriuwer Rink van der Velde hat in skoft yn De Wylgen wenne. Sjoch ek Fryske doarpen.
Kategory:Doarp of stêd yn Smellingerlân