Ritthem (Siuwsk: Rittem) is in doarpke yn 'e Siuwske gemeente Flissingen, mei 570 ynwenners (2026).
Eartiids wie Ritthem in hearlikheid en gemeente. It doarp leit tichteby de Westerskelde en by it havengebiet Flissingen-East en is, lykas de measte Walcherske doarpen, in tsjerkedoarp. De tsjerke is fan oarsprong 14e-iuwsk mei in skip út de sechstjinde iuw. Yn 'e omkriten leit op it doarpsgebiet it eardere Fort Rammekens en in byhearrend natoergebiet. Flakby Ritthem leit de grutste riolearringswettersuvering fan Seelân.
Skiednis De namme Ritthem is ôflaat fan Riethem. In soad wetterkes yn it gebiet wiene mei reid begroeid en de iere bewenners brûkten it wurd hem (him) om it wenplak oan te tsjutten. De namme betsjut dus "plak dêr't reid groeid".Siuwsk Argyf, oproppen 15 july 2026.
Ritthem waard foar it earst neamd yn 1235, doe't it plak in selsstannige parochy waard. Oant dy tiid waard it fanút West-Souburg bestjoerd. Yn dy tiid leine noardlik fan Ritthem de buorskip en de hearlikheid Nieuwerve en de buorren Welzinge. Dy waarden yn 'e begjinjierren fan 'e Opstân troch it oarlochsgeweld ferwoaste. It fort Rammekens waard yn 1547 op it plak fan in midsiuwsk kastiel boud yn opdracht fan Marije fan Hongarije, de lânfâdesse fan 'e Nederlannen.
De ferneatiging fan 'e Ritthemske tsjerke late derta dat it plak oant 1612 op 'e tsjerke fan Oost-Souburg oanwiisd wie. Yn dat jier waard yn Ritthem in herfoarme gemeente stichte.
De hearlikheid Ritthem waard yn 1764 kocht troch de Flissingske famylje Lambrechtsen, dy't dêr oant 1849 bestjoerlike rjochten oer útoefene.
Oant 1 july 1966 wie Ritthem in selsstannige gemeente.
Kategory:Plak yn Flissingen Kategory:Eardere gemeente yn Seelân