Die T20I-wêreldbeker 2007 (Engels: 2007 ICC Men’s T20 World Cup) is van 11 tot 24 September 2007 in Suid-Afrika beslis. Dit was die eerste T20I-wêreldbekertoernooi in T20I-krieket wat deur die Internasionale Krieketraad (IKR) aangebied is. Destyds is dié toernooi Wêreldtwintig20 2007 (2007 ICC World Twenty20) genoem, maar sedert die 2021-toernooi staan dit as T20I-wêreldbeker bekend. Ná die Krieketwêreldbeker 2007 in Maart en April in Wes-Indië was dit die tweede groot kriekettoernooi in 2007. Daarbenewens was dit ná die Krieketwêreldbeker 2003 die tweede groot kriekettoernooi in Suid-Afrika; dié land sou twee jaar later ook die Kampioenetrofee 2009 aanbied, waarmee Suid-Afrika die eerste land geword het wat al drie vername kriekettoernooie gehuisves het.

duimnael|links|upright|Die T20I-wêreldbekertrofee waarom meegeding is Twaalf nasionale krieketspanne het aan die T20I-wêreldbeker 2007 deelgeneem: Die destydse tien toetskrieketlande (Australië, Bangladesj, Engeland, Indië, Nieu-Seeland, Pakistan, Sri Lanka, Suid-Afrika, Wes-Indië en Zimbabwe), saam met die Wêreldkrieketliga se afdeling een 2007-wenners (Kenia en Skotland).

Tydens die T20I-wêreldbeker 2007 is 27 wedstryde gespeel, waaronder twaalf in die eerste rondte, twaalf in die Super Agt, en drie in die uitklopfase, insluitende die eindstryd. Die spanne is in vier groepe van drie spanne elk verdeel, waarvan elke span een keer teen al die ander spanne in die groep gespeel het. Die twee beste spanne van elke groep het hierna vir die Super Agt gekwalifiseer. In die Super Agt is die spanne in twee groepe van vier spanne elk verdeel, waarvan die twee beste spanne tot die halfeindrondte gevorder en die wenners mekaar in die eindstryd ontmoet het.

Australië, Indië, Nieu-Seeland en Pakistan het vir die halfeindrondte gekwalifiseer. Pakistan het Nieu-Seeland en Indië vir Australië geklop, waardeur die twee aartsvyande Indië en Pakistan mekaar in die eindstryd ontmoet het. Indië het Pakistan in die eindstryd op Wanderers in Johannesburg met vyf lopies verslaan en sodoende die eerste T20I-wêreldkampioen geword. Saam met hul oorwinnings tydens die Krieketwêreldbeker 1983 en die gedeelde titel met Sri Lanka tydens die Kampioenetrofee 2002 was dit Indië se derde internasionale kriekettitel. Die gasheer Suid-Afrika is in die Super Agt uitgeskakel, terwyl beide Kenia en Zimbabwe nie die Super Agt gehaal het nie.

Toewysing Die Internasionale Krieketraad het Suid-Afrika as gasheer vir die T20I-wêreldbeker 2007 aangewys. Saam met die Krieketwêreldbeker 2003 en die Kampioenetrofee 2009 was dit een van drie groot kriekettoernooie wat in die 2000’s in Suid-Afrika aangebied is.

Deelnemers Die volgende twaalf spanne het vir die T20I-wêreldbeker 2007 gekwalifiseer: Australië, Bangladesj, Engeland, Indië, Nieu-Seeland, Pakistan, Sri Lanka, Suid-Afrika (gasheer), Wes-Indië en Zimbabwe het as volle lede van die Internasionale Krieketraad met toetskrieketstatus regstreeks vir die T20I-wêreldbeker 2007 gekwalifiseer. Kenia en Skotland het as wenners van die Wêreldkrieketliga se afdeling een 2007 vir dié toernooi gekwalifiseer.

duimnael|400px|Uitslag van die T20I-wêreldbeker 2007-kwalifisering; altesaam 16 lande het deelgeneem. SpanKwalifiseringmetodeVorige beste prestasieGasheerDebuutVolle ledeDebuutDebuutDebuutDebuutDebuutDebuutDebuutDebuutDebuutWêreldkrieketliga se afdeling een 2007DebuutDebuut

Stadions Die eerste T20I-wêreldbeker is op drie Suid-Afrikaanse stadions beslis. Altesaam 27 wedstryde is tydens die T20I-wêreldbeker 2007 gespeel, waaronder twee halfeindstryde en die eindstryd.

Kaapstad Durban Johannesburg Nuweland Kingsmead Wanderers Kapasiteit: 22 000 Kapasiteit: 25 000 Kapasiteit: 34 000 150px 150px 150px

Formaat Die T20I-wêreldbeker 2007 is oor 14 dae tussen twaalf verskillende spanne oor 27 wedstryde beslis. Dit het op 11 September 2007 op Wanderers in Johannesburg met die openingswedstryd tussen die gasheer Suid-Afrika en Wes-Indië begin. Die toernooi het geëindig op dieselfde stadion op 24 September met die eindstryd tussen Indië en Pakistan, waartydens Indië die T20I-wêreldbekertrofee ingepalm het.

Kalender Die volgende tabel dui die T20I-wêreldbeker 2007 se daaglikse program aan. ’n Pers blokkie dui op wedstryde tydens die eerste rondte, ’n siaan blokkie op die Super Agt, ’n groen blokkie op wedstryde tydens die uitklopfase en ’n geel blokkie op die eindstryd.

+ Aantal daaglikse wedstryde tydens die toernooiEerste rondteSeptemberDi11Wo12Do13Vr14Sa15Groep A | bgcolor=#c364f3| 1 | | bgcolor=#c364f3| 1 | | bgcolor=#c364f3| 1Groep B | | bgcolor=#c364f3| 1 | bgcolor=#c364f3| 1 | bgcolor=#c364f3| 1 |Groep C | | bgcolor=#c364f3| 1 | | bgcolor=#c364f3| 1 | bgcolor=#c364f3| 1Groep D | | bgcolor=#c364f3| 1 | bgcolor=#c364f3| 1 | bgcolor=#c364f3| 1 |Super AgtSeptemberSo16Ma17Di18Wo19Do20Groep E | bgcolor=#7DF9FF| 2 | | bgcolor=#7DF9FF| 1 | bgcolor=#7DF9FF| 2 | bgcolor=#7DF9FF| 1Groep F | bgcolor=#7DF9FF| 1 | bgcolor=#7DF9FF| 1 | bgcolor=#7DF9FF| 2 | | bgcolor=#7DF9FF| 2UitklopfaseSeptemberVr21Sa22So23Ma24Uitklopfase | | bgcolor=#00cc33| 2 | | bgcolor=#ffcc00| 1Verklaring

Groepe Groep AGroep BGroep CGroep D

Die eerste rondte is op die volgende stede verdeel: Groep A: Johannesburg en Kaapstad Groep B: Kaapstad Groep C: Durban en Johannesburg Groep D: Durban

Eerste rondte en Super Agt Die T20I-wêreldbeker 2007 is deur twaalf nasionale krieketspanne beslis. Vir die eerste rondte is die twaalf deelnemende spanne in vier groepe van drie spanne elk verdeel; elke span het een wedstryd teen elk van die ander spanne in dieselfde groep gespeel, dus het elke span twee wedstryde in die eerste rondte gespeel. Twee punte is vir ’n oorwinning toegeken, een vir ’n onbesliste wedstryd en geen punte vir ’n nederlaag: spanne wat met dieselfde aantal punte geëindig het, is volgens lopietempo, dan boultempo en dan die uitslag van die direkte ontmoeting gerangskik. Die twee beste spanne van elke groep het na die Super Agt deurgedring.

In die geval van ’n gelykop (d.w.s. as albei spanne die gelyke aantal lopies aan die einde van hul onderskeidelike kolfbeurt aangeteken het), is die wedstryd deur ’n uitboul beslis. Dit was van toepassing in alle fases van die toernooi. ’n Uitboul is gebruik vir die beslissing van een wedstryd, naamlik dié tussen Indië en Pakistan in Groep D op 14 September.

Die Super Agt is deur agt spanne in twee groepe van vier spanne elk beslis, waartydens elke span een wedstryd teen elk van die ander spanne in dieselfde groep gespeel het, dus het elke span drie wedstryde in die Super Agt gespeel. Die kwalifisering was gegrond op dieselfde kriterias as in die eerste rondte.

Uitklopfase Van die begin van dié fase af het die toernooi ’n uitklopformaat aangeneem wat uit drie wedstryde bestaan het: twee halfeindstryde en die eindstryd. Die wenner en naaswenner van elk van die Super Agt-groepe het na die uitklopfase deurgedring. Die groepwenner van albei groepe het teen die naaswenner van die ander groep in die halfeindstryde gespeel. Elke wedstryd in die uitklopfase moes met ’n oorwinning vir een van die spanne eindig. As daar ná albei kolfbeurte ’n gelykopuitslag was, is die wenner deur ’n uitboul bepaal.

Skeidsregters en wedstrydbeamptes ’n Paneel van nege skeidsregters en drie wedstrydbeamptes is vir die toernooi gebruik.

Skeidsregters Steve Davis (Australië) Daryl Harper (Australië) Simon Taufel (Australië) Mark Benson (Engeland) Nigel Llong (Engeland) Tony Hill (Nieu-Seeland) Asad Rauf (Pakistan) Ian Howell (Suid-Afrika) Billy Doctrove (Wes-Indië)

Wedstrydbeamptes Chris Broad (Engeland) Ranjan Madugalle (Sri Lanka) Mike Procter (Suid-Afrika)

Wedstryde Kwalifiseer vir die Super Agt.Uit die toernooi geskakel. Die wedstryde is in drie fases opgedeel, naamlik die eerste rondte, die Super Agt en die uitklopfase. Die groepe is bepaal volgens die IKR se T20I-ranglys soos op 1 Maart 2007.

Eerste rondte Twaalf spanne het aan die eerste rondte deelgeneem. Die twee beste spanne in elke groep het na die Super Agt deurgedring.

Groep A duimnael|Wedstryd tussen Bangladesj en Suid-Afrika in Kaapstad tydens die T20I-wêreldbeker 2007 Span22004+0.97421102+0.14920200−1.233

Groep B Span21102+0.98721102+0.20921102−1.196

Groep C Span22004+4.72121102+2.39620200−8.047

Groep D Span21013+0.00021102+1.27520111−2.550

Super Agt Kwalifiseer vir die uitklopfase.Uit die toernooi geskakel. Agt spanne het aan die Super Agt deelgeneem. Die twee beste spanne in elke groep het na die uitklopfase deurgedring.

Groep E Span32104+0.75032104+0.05032104−0.11630300−0.700

Groep F Span33006+0.84332104+2.25631202−0.69730300−2.031

Uitklopfase Die uitklopfase het bestaan uit twee halfeindstryde, waarvan die twee wenners mekaar in die eindstryd op Wanderers in Johannesburg ontmoet het.

Halfeindrondte

Eindstryd

T20I-wêreldkampioen 2007

Statistiek Finale puntestand Hierdie tabel toon die finale puntestand van al die twaalf deelnemende nasionale krieketspanne in die T20I-wêreldbeker 2007.

duimnael|400px|Uitslag van die T20I-wêreldbeker 2007: RangSpanGroep+/– Finaliste 1 D/E 7 5 1 1 1037 972 +65 11 — 2 D/F 7 5 0 2 1106 1021 +85 10 — In die halfeindrondte uitgeskakel 3 B/F 6 3 0 3 837 851 –14 6 — 4 C/E 6 3 0 3 888 885 +3 6 — In die Super Agt uitgeskakel 5 A/E 5 4 0 1 782 790 –8 8 — 6 C/F 5 3 0 2 832 626 +206 6 — 7 B/E 5 1 0 4 817 810 +7 2 — 8 A/F 5 1 0 4 655 722 –67 2 — In die eerste rondte uitgeskakel 9 B 2 1 0 1 277 326 –49 2 −1.196 10 D 2 0 1 1 120 171 –51 1 −2.550 11 A 2 0 0 2 369 373 –4 0 −1.233 12 C 2 0 0 2 161 334 –173 0 −8.047

Meeste lopies en paaltjies Meeste lopies: Naam Lopies 1 Matthew Hayden 265 2 Gautam Gambhir 227 3 Misbah-ul-Haq 218 4 Shoaib Malik 195 5 Kevin Pietersen 178 Meeste paaltjies: Naam Paaltjies 1 Umar Gul 13 2 Stuart Clark 12 RP Singh Shahid Afridi 5 Daniel Vettori 11

Sien ook

Verwysings

Eksterne skakels

Amptelike webwerf T20I-wêreldbeker 2007 op ESPNcricinfo

Kategorie:Geskiedenis van Suid-Afrika Kategorie:Krieketkompetisies in Suid-Afrika 2007 Kategorie:Sport in 2007