Die Geelstompie (Mimetes palustris) is 'n blomdraende struik wat tot die genus Mimetes behoort en deel van die fynbos vorm. Die spesie is endemies aan die Wes-Kaap en kom slegs in die Kleinrivierberge tussen Hermanus en Stanford voor. Die struik is regop en word 1 m hoog en blom regdeur die jaar maar die meeste blomme verskyn van Julie tot November.
'n Brand vernietig die plant maar die sade oorleef. Twee tot ses maande nadat dit geblom het, val die vrugte af en miere versprei die sade. Hulle stoor die sade in hul neste. Die plant is tweeslagtig. Bestuiwing vind plaas deur die werking van voëls. Die plant groei op moerasagtige, klam hellings op hoogtes van 600- 900 m.
In Engels staan dit as die Cryptic Pagoda bekend.
Bronnelys REDLIST Sanbi Biodiversityexplorer Protea Atlas Plants of the World Online
Kategorie:Mimetes Kategorie:Struike Kategorie:Flora van Suid-Afrika Kategorie:Endemiese plante van Suid-Afrika