Königrufen of Königsrufen (Afrikaans: "Roep die Koning"Dummett, Twelve Tarot Games, bl. 9) is 'n rondtegebaseerde kaartspeletjie vir vier mense van die tarotfamilie wat in Oostenryk en Suid-Tirool gespeel word.
Soos met ander streekgebonde tarotkaartspeletjies van dié familie noem spelers dit gewoonlik Tarock (die Duitse term vir tarotkaartspeletjies). Dit is die enigste weergawe van Tarock wat deur die hele Oostenryk gespeel wordVácha (2007), bl. 25 en in 2011 was dit die gewildste kaartspel in Oostenryk naas Schnapsen en Rommé.Mayr and Sedlaczek (2001), bl. 7 Teen 2015 het dit "die gunstelingkaartspel van Oostenrykers" geword.Tarock von A bis Z at kurier.at. Besoek op 26 Julie 2018 Dit is al beskryf as die interessantste tarotkaartspeletjie vir vier spelers,Bamberger (2001), bl. 60 die "spel van konings", 'n speletjie wat intelligensie verg en as goeie "breinoefening". Königrufen: Tarock spielen wieder populär by salzburg.orf.at. Besoek op 26 Julie 2018
In vergelyking met ander kaartspeletjies mag Königrufen gespeel word met 'n wye reeks moontlike "kontrakte". Die naam van die spel kom van die praktyk in die basiese kontrak om 'n spesifieke koning te noem om 'n spelmaat te kies, bekend as "die roep van 'n koning". In die meeste kontrakte vorm die vier spelers twee groepe – óf twee teen twee óf een teen drie – wat meeding om die meeste kaartpunte te wen. Volgens die reëls beskik die 54 kaarte oor 'n totale waarde van sewentig punte.
Alhoewel die basiese reëls van Oostenrykse Königrufen soortgelyk is, het die kontrakaankondigings en bonusse en hul waardes 'n groot aantal variasies. Baie privaat groepe speel volgens hul eie huisreëls. Daarbenewens het meer algemeen aanvaarde reëls bygekom, alhoewel dit wesenlik verskil van streek tot streek. Dit maak Königrufen die Tarock-speletjie met die meeste variasies.Dummett and McLeod (2004), Volume 2, bl. 576 Gereelde toernooie word al sedert die 1990's gehou en sedert 2008 vind 'n jaarlikse Oostenrykse eindronde plaas.Das Tarock-Österreich-Fianle by tarockoesterreich.jimdo.com. 12 Julie 2018
Verwysings
Notas
Kategorie:Kaartspeletjies