duimnael|Pelgrims by die Zamzam-put. duimnael|Die plek waar Zamzam-water vir mans beskikbaar is.
Die Zamzam-put (ook Put van Zamzam of net Zamzam; Arabies: زمزم) is ’n put in die Al-Masdjid al-Haram in Mekka, Saoedi-Arabië. Dit is geleë 20 m oos van die Kaäba, die heiligste plek in Islam. Volgens dié geloof het die waterbron wonderbaarlik ontstaan toe Abraham se seun, Ismael, dors was en gehuil het vir water. Miljoene pelgrims besoek Mekka elke jaar en drink van die Zamzam se water as deel van die hadj of oemra.
Geskiedenis In die Islamitiese tradisie het Allah vir Abraham opdrag gegee om sy vrou Hagar en hul seun Ismael alleen in die woestyn te los, tussen die heuwels Safa en Marwa. Toe hul voorraad opraak, het Hagar gaan water soek. Om makliker en vinniger te loop het sy Ismael alleen agtergelaat.
Sy het eerste die naaste heuwel, Safa, uitgeklim om oor die omringende gebied uit te kyk. Toe sy niks sien nie, het sy na die ander heuwel, Marwa, gegaan. Wanneer Hagar op een van die heuwels was, kon sy Ismael sien en het sy geweet hy is veilig. Op die vlakte tussen die heuwels kon sy hom egter nie sien nie en het sy gehardloop. Sy het sewe keer heen en weer in die hitte gehardloop voordat sy na haar seun teruggekeer het. Daar het sy ’n fontein gesien wat ontspring het waar die aartsengel Gabriël die grond met sy vlerk aangeraak het. Dit is wat vandag die Zamzam-put genoem word en was nie net ’n bron van water vir Hagar nie, maar ook ’n beloning vir haar geduld.
Die naam kom van die frase Zomë Zomë, wat beteken "hou op vloei". Dit was ’n opdrag wat Hagar aan die put gegee het om die water in bedwang te hou.
Die put is verskeie kere gerestoureer – die grootste restourasie was in 1915 tydens die bewind van die Ottomaanse sultan Abdülhamid II.Kalenderomsetting Ter wille van skarebeheer is die gebou om die put weg van sy oorspronklike plek geskuif, uit die pad van die tawaf, wanneer miljoene Moslems om die Kaäba loop. Die put se water word nou na die oostekant van die moskee gepomp, waar dit op aparte plekke vir mans en vroue beskikbaar is.
Die water Die Zamzam-put is met die hand opgegrawe en is sowat 30 m diep met ’n deursnee van tussen 1,08 en 2,66 m. Water is aanvanklik met toue en emmers uitgetrek, maar vandag is die put ’n kelderkamer waar die water agter glaspanele gesien kan word (besoekers word nie toegelaat nie). Die water word met behulp van elektriese pompe deur die moskee versprei.
duimnael|150px|Zamzam-water in ’n plastiekbottel vir niekommersiële verspreiding in Pakistan. So kan pelgrims die water tuis onder familie en vriende versprei wanneer hulle van Mekka af kom.
Die Saoedi Geologiese Opname het ’n navorsingsentrum wat die tegniese eienskappe van die water in besonderhede ontleed. Watervlakke word gemeet, asook onder meer die pH en temperatuur. Die inligting word voortdurend aanlyn beskikbaar gestel.
Zamzam-water is kleur- en reukloos, maar het ’n besondere smaak.
MineraalkonsentrasieVolgens navorsers by die Koning Saoed-universiteitNour Al Zuhair, et al. A comparative study between the chemical composition of potable water and Zamzam water in Saudi Arabia . KSU-fakulteite, URL besoek op 15 Augustus 2010MineraalKonsentrasie (mg/L)Natrium 133 Kalsium 96Magnesium 38,88Kalium 43,3Bikarbonaat 195,4Chloried 163,3Fluoried 0,72Nitraat 124,8Sulfaat 124Totale vaste stowwe 835
Verwysings
Bronne 15px Hierdie artikel is vertaal uit die Engelse Wikipedia
Eksterne skakels
Careem, S. H. A. ’n Kort geskiedenis van die put en inligting oor die beweerde gesondheidsvoordele van die water.
Kategorie:Mekka Kategorie:Hadj