Die Suid-Afrikaanse klas 36-200 is 'n tipe diesellokomotief wat deur die Suid-Afrikaanse Spoorweë en ander gebruikers vir rangeerwerk gebruik word.
Die 36-200 reeks is deur General Motors (EMD) gebou vanaf 1980. Hulle is elk toegerus met 'n tweeslag nie-turboaangedrewe V8-dieselenjin wat 'n gelykstroomgenerator aandryf wat ses traksiemotors, wat op die aste geïnstalleer is, van krag voorsien. Hulle is tipe SW1002 genoem deur die vervaardiger en het 'n maksimum veilige snelheid van 90 km/h. Hulle het diens gedoen in die Wes-Kaap en die Oos-Transvaal.
Sedert die begin van Augustus 1980 het die Suid-Afrikaanse Spoorweë 101 Klas 36-200 General Motors Electro-Motive Afdeling tipe SW1002 diesel-elektriese lokomotiewe in diens geplaas. Drie is in diens in Pretoria tussen 1986 en 1991, en die ander twee geplaas deur Yskor en deur Ithala in KwaZulu-Natal in 1987.
Vervaardigers Die Klas 36-200 tipe SW1002 diesel-elektriese lokomotief is ontwerp vir die Suid-Afrikaanse Spoorweë deur General Motors Electro-Motive Afdeling (GM-EMD) en almal, behalwe een, is in Port Elizabeth deur General Motors Suid-Afrika (GMSA) gebou. Die uitsondering was die derde tipe SW1002 lokomotief wat gebou is vir Yskor in Pretoria, en wat gelewer is deur GM-Astarsa in Argentinië.Paxton, Leith; Bourne, David (1985). Locomotives of the South African Railways (1st ed.). Kaapstad: Struik. pp. 142–143. .
duimnael|links|Bouersplaat op no. 36-301 Die 101 lokomotiewe vir die SAR is in twee groepe gebou op twee bestellings. Die eerste vyftig was tussen 1980 en 1982 gebou en genommer in die reeks 36-201 tot 36-250. Nog een-en-vyftig is tussen 1982 en 1984 gebou en genommer in die reeks van 36-251 tot 36-301. Dit is onduidelik waarom so 'n onewe aantal lokomotiewe bestel was.
Afgesien van die SAR lokomotiewe, is 'n paar is ook gebou vir ander bedrywe. 'n Enkele lokomotief is gebou vir die "Bophuthatswana National Development Corporation" (BNDC) in Ga-Rankuwa en afgelewer in 1984. Twee lokomotiewe wat in Pretoria deur Yskor bestel is, is gelewer in 1986, genommer 661-45 en 661-46. Twee lokomotiewe wat bestel is deur Ithala (IDFC) in KwaZulu-Natal is in 1987 afgelewer en genommer 1 en 2. Die Argentynsgeboude lokomotief is in 1991 aan Yskor gelewer deur GM-Astarsa en genommer 661-47.
Klas 36 reeks Die Klas 36-lokomotiefgroep bestaan uit twee reekse, die General Electric (GA) Klas 36-000 en die GM-EMD Klas 36-200. Beide hierdie vervaardigers het ook lokomotiewe van die Suid-Afrikaanse Klasse 33, 34 en 35 gebou.
Diens
Suid-Afrikaanse Spoorweë Die Klas 36-200-lokomotiewe is algemene doellokomotiewe, toegerus met tweestasiekontroles vir tweerigtingoperasie, wat hoofsaaklik gebruik word vir werfrangeer en ligte werk-industriële kliënte. Toe hulle in diens geplaas is, was die SAR lokomotiewe aanvanklik vir diens versprei tussen die Wes- en Oos-Kaap en die Oos-Transvaalse Laeveld, maar die Kaapse lokomotiewe is later verskuif na Natal, Gauteng, die Noordwesprovinsie en Limpopo.
Industrie Die drie Yskorlokomotiewe is later verhuur aan African Rail and Traction Services (ARTS), gebaseer by 'n werkswinkel van die Yskor Pretoriawerke en hernommer in die reeks van 21 tot 23. Teen die begin van 2002 het ARTS lokomotiewe by die Rustenburg Platinum-myn in die Noordwes Provinsie, by Yskor in Pretoria (waar dit die hele spooroperasie oorgeneem het), en by die Richardsbaai-steenkoolterminus in KwaZulu-Natal in diens gehad.
Die BNDC lokomotief was nie lank in diens in Bophuthatwana nie, voor dit na Columbus Stainless in Middelburg, Transvaal verskuif is.
Die IDFC lokomotiewe is verkoop aan Sheltam, waar hulle later hernommer is na 1003 en 1004.
Kleurskemas
Verwysings
Kategorie:Spoorvervoer in Suid-Afrika Kategorie:Treine