De Boarn is 'n rivier oos van Oldeboorn in Friesland, Nederland. Die rivier vloei van Bakkeveen tot Irnsum. Dit staan ook as die Ouddiep (Wes-Fries: Alddjip) of Koningsdiep bekend.
Slag van die Boorne Die Slag van die Boorne (Wes-Fries: Slach oan de Boarn) of Slag van Jirnsum (Wes-Fries: Slach by Jirnsum) was 'n veldslag in Friesland tydens die 8ste eeu. In hierdie slag is die leër van die Friese koning Poppo verslaan deur die Frankiese hofmeier Karel Martel. Hierdie oorwinning het die Franke beheer gegee oor die Friese gebied tussen die Vlie en die Lauwers, wat effektief 'n einde aan Friese onafhanklikheid gemaak het.
Die presiese ligging van die slag is nie heeltemal seker nie, maar dit het waarskynlik naby die monding van die rivier die Boorne – waar dit in die Middelsee uitgemond het – plaasgevind, in die omgewing van die huidige Irnsum. Gevolglik staan die slag ook bekend as die "Slag van die Bordine" of die "Slag van Jirnsum".
Verwijsings Fredegar, Liber Historiae Francorum. , Het rijk van de Friese koningen, opkomst en ondergang, Utrecht-2000.
Kategorie:Riviere in Nederland Kategorie:Friesland