Norddeutscher Lloyd (NDL) was 'n Duitse redery wat op 20 Februarie 1857 deur Hermann Henrich Meier en Eduard Crüsemann in Bremen gestig is. Dit het in die volgende dekades tot een van die belangrikste Duitse skeepvaartondernemings van die laat 19de en vroeë 20ste eeu ontwikkel en die ekonomiese ontwikkeling van Bremen en Bremerhaven grootliks bevorder. Op 1 September 1970 het Norddeutscher Lloyd met die Hamburg-Amerikanische Packetfahrt-Actien-Gesellschaft (HAPAG) saamgesmelt om die nuwe redery Hapag-Lloyd AG te vorm.
NDL het 'n historiese verbintenis met die Mid-Atlantiese seehawe Baltimore in die Amerikaanse deelstaat Maryland. Op 16 Januarie 1867 het die spoorwegmaatskappy Baltimore & Ohio Railroad (B&O) en NDL 'n ooreenkoms onderteken waarvolgens B&O 'n aanlêplek vir immigranteskepe met aansluiting tot sy spoornetwerk sou bou, terwyl die redery tenminste een skip per maand met Europese immigrante sou stuur.Baltimore Immigration Museum: Immigration History. Besoek op 30 Julie 2019
Verwysings
Kategorie:Bremen Kategorie:Duitse rederye