links|duimnael|'n Saalbekooievaar besig om 'n vis te vang in Tanzanië. regs|duimnael|255px|Vroulike voorbeeld in Kenia – die irisse is geel
Die saalbekooievaar (Ephippiorhynchus senegalensis) is met sy gekleurde snawel een van die kleurrykste ooievaars.
Die ooievaar kry sy naam van die saalvormige geel gedeelte aan die bokant van sy snawel. Die dieet van die saalbekooievaar bestaan hoofsaaklik uit vis, wat hy in vlak water vang. Volwasse mannetjies word ongeveer 150 cm hoog, terwyl vroulikes minstens 10 cm kleiner is, met 'n vlerkspan van . 'n Verdere duidelike verskil tussen die twee geslagte is oogkleur; by die mannetjie is die oë bruinerig en by die wyfies geel.
Die voëls lewe gewoonlik in pare saam en maak nes in bome. Saalbekooievaars kom wydverspreid oor die hele Afrika voor, maar nie op Madagaskar nie. In teenstelling met die meeste ooievaarsoorte trek hierdie voëls nie, hul woon of bly meestal in dieselfde gebied.
Ander name Wetenskaplike naam: Ephippiorhynchus senegalensis Engelse naam: Saddle-billed Stork Nederlandse naam: Zadelbekooievaar
Sien ook
Alfabetiese lys van Suid-Afrikaanse voëls Lys van Suid-Afrikaanse voëls (gegroepeer) Lys van Suider-Afrikaanse voëls volgens wetenskaplike name
Bronnelys Newman se Voëls van Suider-Afrika;
Verwysings
Kategorie:Ooievaars