Daar Doer in die Stad is 'n swart en wit Afrikaanse rolprent wat op 4 Januarie 1954 vrygestel is. Jamie Uys was die vervaardiger, regisseur en skrywer. Die hoofrolle is deur Jamie Uys, Hettie Uys, Marietjie Uys, Jurg du Preez, Louis Pienaar en Elize Loubser vertolk
Genre Die rolprent is 'n drama en 'n komedie. Dit het geen ouderdomsperk nie.
Hoofrolspelers Jamie Uys as Hans Botha Hettie Uys as Martie Botha Marietjie Uys as Marietjie Louis Pienaar as Potgieter Elise Loubser as Elise de Villiers Ronnie Tiburtini as Rossi Anna Neethling-Pohl as Hans se moeder Andries Roux Willie Herbst Benn Potgieter Jack Shoul
Storielyn Hans bly doodgelukkig op sy plaas saam met sy vrou Hettie en hul dogtertjie, Marietjie. Maar toe 'n slang Hettie pik en sy doodgaan, en Hans se geld opraak, is hy genoodsaak om stad toe te gaan om sy grondboontjiemasjien te patenteer. Hans en Marietjie sukkel aanvanklik om in die stad aan te pas, maar dan raak Hans verlief op 'n stadsmeisie wat elke aand net wil rinkink. Die verliefde Hans skeep klein Marietjie af, en wanneer 'n buurman hom hieroor oor die vingers tik, besluit hy om haar terug te stuur plaas toe, waar haar ouma en oupa haar kan oppas. Die verlange aan beide kante word egter te groot en die storie het 'n gelukkige einde as pa en dogter op hul geliefde plaas verenig word.
Sien ook Lys van Afrikaanse rolprente
Kategorie:Afrikaanse rolprente Kategorie:Dramarolprente Kategorie:Komedierolprente Kategorie:Suid-Afrikaanse rolprente